eTwinning na TVG

 O programa da TVG "A Revista" achegouse ao CPI Cstro Baxoi para entrevistar aos nenos e nenas participantes no proxecto eTwinning "From Miño to Portoalegre and beyond"

Podedes ver as úa intervención premendo na imaxe  (minuto 15:20):

Noraboa!

 POEUMS

A EOI da Coruña ven de rematar un proxecto eTwinning con Italia e Grecia sobre poesía en Europa. O alumnado compartiu e explorou a variedade de culturas que se unen na Europa actual e danlle un novo significado a Europa. Ao traducir e contextualizar poemas descubriron puntos interesantes para comprender sentimentos e emocións. O proxecto fíxose en dúas linguas: inglés e castelán.

Os obxectivos foron:

·      Introducir o alumnado na literatura doutros países mediante o estudo selectivo de poemas
·     Practicar o proceso de tradución de textos literarios ao inglés
·    Dar a coñecer as cuestións que suscita a literatura que preocupan a toda a humanidade
·    Comparar os significados expresados ​​na literatura de distintos países
·    Interactuar e utilizar creativamente as ferramentas dixitais

Traballáronse as seguintes competencias básicas:

Cidadanía: agora o alumnado séntese mellor preparado tanto para superar os prexuízos como para comprometerse.

Conciencia e expresión cultural: significou apreciar a importancia da expresión creativa de ideas, experiencias e emocións na arte.

Dixitalización: o alumnado mellorou a capacidade para buscar, recoller e procesar información e utilizala adecuadamente.

Alfabetización: o alumnado consolidou a súa capacidade para interactuar lingüísticamente de forma adecuada e creativa en diversos contextos culturais. 

Multilingüe: consolidaron súa capacidade para comprender e ler e producir textos axeitados.

Aprender a aprender: ao ter que organizar a súa propia aprendizaxe, avaliar o seu propio traballo e buscar asesoramento, información e apoio, tomaron conciencia do seu proceso de aprendizaxe e das súas necesidades.

O resultado deste proxecto foi a creación dunha presentación colaborativa con lecturas, traducións e informacións diversas sobre autores e poemas de Grecia, Italia e España.

Plan Proxecta 2023-24

FINALIZACIÓN DA FORMACIÓN 2023-24 SOBRE ETWINNING DENTRO DO PLAN PROXECTA

Os días 22 e 29 de maio celebráronse as dúas últimas videoconferencias da formación sobre eTwinning dentro da modalidade Educación Patrimonial do Plan Proxecta 2023-24.

Como nas videoconferencias anteriores ao longo do curso, interviu o profesorado participante por parte da EOI de Ourense e a EOI da Coruña e as súas respectivas coordinadoras, Patricia Conde e Carmen María Fernández. Unha gran ocasión para coñecer como se levan a cabo os proxectos eTwinning "Hadrian's Legacy" e "Europe is fashion for all".

Participaron na sesión do día 22 os seguintes centros:

1. EOI A Coruña             
2. EOI Ourense              
3. IES de Fonmiñá           
4. CIFP Carlos Oroza        
5. CPI Vilamarín   

         

O día 29 tocoulle a: 

1. IES de Fene
2. CEIP Emilia Pardo Bazán
3. CPI Padrenda Crespos
4. CPI Castro Baxoi
5. CEIP Vidal Portela

"From the Classroom to Lifelong Success:Nurturing Essential Competences" eTwinning Onsite Course

Durante os días 9, 10 e 11 de novembro de 2023, celebrouse en Sevilla ,o eTwinning Onsite Course "From the Classroom to Lifelong Success:Nurturing Essential Competences" ,con representación da Embaixada Galega.

Este taller de desenvolvemento profesional estaba dirixido a profesores de educación infantil e primaria. O enfoque destes talleres tivo por obxectivo o reforzar a comprensión dos participantes sobre o desenvolvemento de diversas competencias, entre as que destacan as dixitais (DigiComp), empresariais (EntreComp), de aprendizaxe permanente (LifeComp) e de sustentabilidade (GreenComp). Todo iso en relación coa formalización e creación de proxectos a través da plataforma eTwinning.

O grupo  da delegación española estivo composto por cinco mestras embaixadoras eTwinning, de distintos puntos da nosa xeografía: Xema Sánchez (Valencia), Miriam Rodríguez (Málaga), Mari Luz Castelán (Barcelona), Lucía  Villar (Ceuta), Mela Rodríguez (Galicia), Juan Carlos Garrido e Miriam Olga Cecilia (Servizo Nacional de Apoio eTwinning, España).

Enlace ao artigo publicado na web do SNA español.Ceremonia de Entrega de Premios Europeos eTwinning 2023. (Categorías Infantil y Primaria)

Proxecto eTwinning galego consegue un Premio Nacional eTwinning en Grecia

 

O proxecto eTwinning EnigMath, no que participou a profesora e embaixadora eTwinning Esther Pérez (IES de Beade, Vigo), ven de recibir o primeiro Premio Nacional eTwinning, na categoría de 16-19 anos, en Grecia, país do outro centro participante no proxecto, o  Model Upper Secondary School of Agioi Anargyroi , de Atenas. 

Logo do proxecto

O obxectivo do proxecto era principalmente poñer en práctica as habilidades matemáticas, lóxicas e de pensamento computacional, propoñendo e resolvendo acertixos matemáticas. Nunha primeira fase, os alumnos, organizados en pequenos grupos, propoñían retos aos alumnos do centro socio, e logo avaliaban as súas respostas segundo unha rúbrica acordada por eles mesmos. Na segunda fase, fixéronse grupos internacionais, tras cubrir unha enquisa de afinidades, e propuñan retos a outro grupo.

Como produto final, elaborouse unha presentación que recopilaba, en inglés, galego e grego, todos os retos propostos.

Houbo premios, enviados dende un centro ao outro, para os gañadores das distintas fases.

O proxecto expúsose na feria de fin de curso no IES de Beade, onde alumnos participantes explicaron ao resto da comunidade educativa como funcionou, e lles propuñan algún dos retos que seleccionaran para o proxecto.

Horizontes eTwinning para EEOOII

O pasado 25 de outubro Carmen María Fernández Rodríguez da Embaixada galega eTwinning participou no webinar “Horizontes eTwinning para EEOOII” no grupo do Este evento estivo organizado polo Servicio Nacional eTwinnig e contou con Griselda Paltor coma organizadora. A nosa Embaixadora centrouse nos beneficios de eTwinning para os centros, o alumnado e o profesorado.

Forinnova Lite eTwinning

A Facultade de Formación do Profesorado celebra o luns 16 "Forinnova Lite"; unha xornada  romovida desde o centro universitario lugués xunto cos grupos de investigación MESTURA e GEFIL da USC, para mellorar e ampliar competencias a través do coñecemento dos proxectos socioeducativos Twinning baseados en metodoloxías activas, inclusivas e colaborativas.

A Embaixada galega eTwinning tivo un papel destacado no evento con varios membros que asistiron e presentaron as súas experiencias na Xornada.

Asimesmo houbo un panel de expertos e diversas presentacións de boas prácticas docentes con profesorado español e portugués de diferentes niveis educativos, así como un obradoiro para o deseño de proxectos colaborativos internacionais eTwinning.

Link na prensa:

Faro de Vigo