04 dezembro 2020

Stories Time Capsule

 

O proxecto “Stories Time Capsule” da EOI A Coruña ven de ser galardoado co Selo de Calidade Europeo. Parabéns ás profesoras Cármen Fernández e Isabel Rama.



Esto é o que Carmen Fernández nos conta do seu proxecto:

O obxectivo principal deste proxecto era familiarizarse coa historia da nosa cidade a través das narracións das persoas.

O proxecto proporcionou aos estudantes unha visión clara de todos os cambios ocorridos nos últimos anos e permitiu aos participantes comparar os cambios urbanos que os rodean cos doutros países.

Os estudantes participaron en actividades de comunicación colaborativa referidas ao proxecto tanto en grupos nacionais como transnacionais. Todas as entradas e o intercambio de datos permitiron aos estudantes reflexionar sobre o legado histórico e a proxección presente e futura da súa cidade.

Os obxectivos principais eran:
· Traballar en equipo
Comunicarse con persoas de diferentes grupos de idade
· Coñecer mellor a súa cidade
· Avaliar a importancia do medio físico para a creación da historia dunha cidade
· Explorar a diversidade de narracións como forma de "literatura oral"
· Reflexionar sobre o valor da historia local oral e a súa preservación
· Descubrir as similitudes e diferenzas entre as historias de varias persoas
· Facer suposicións sobre as características culturais e sociais que se detectan en diferentes historias
· Ampliar as habilidades comunicativas

Duración do proxecto: outubro 2019- maio 2020

Producto final do proxecto: Clic aquí



01 dezembro 2020

United Through Creativity

O proxecto United Through Creativity da docente Esther Basanta do CEIP de Cervo ven de ser recoñecido co Selo de Calidade Europeo.


Aquí temos o seu Twinspace.

Parabéns polo excelente traballo realizado!

A profesora falanos así do proxecto:


"O proxecto 'United Through Creativity' céntrase na creatividade e na escritura creativa. Nel participaron sete escolas de sete países europeos (España, Lituania, Polonia, Rumanía, Grecia, Turquía e Portugal). Deseñáronse actividades de escritura creativa combinadas con métodos que contribúan a crear efectos positivos no clima da aula e que este favoreza a creatividade dos pequenos. Interaccionando cos compañeiros creamos produtos comúns, aprendendo a respectar a diversidade de cada un dos países, cambiando actitudes, aprendendo a valorarnos e entendernos. O tema principal foron as lendas, mitos e historias populares pero a dimensión crosscurricular do proxecto foi moi amplia pois incorporamos o resto das materias.


O proxecto integrou a Lingua estranxeira, as ciencias e tamén contidos de plástica. De acordo co Marco Común Europeo das Linguas e co currículo do inglés como lingua estranxeira, a competencia comunicativa e a dimensión cultural debe ser tida en consideración no sentido de que representa tanto a identidade cultural como colectiva. Neste sentido, e dacordo co currículo nacional e as orientacións do Marco Común Europeo das Linguas, o proxecto tiña un enfoque centrado no alumno. A partir deste enfoque tiñan que identificar e comparar aqueles símbolos de 'identificación nacional' e reflexionar sobre os estereotipos, recoñecer as similitudes e diferenzas entre o seu propio contexto socio-cultural e o contexto dos outros e relacionar esas similitudes e diferenzas coa súa propia cultura e educación. Empregando o lema 'Creating, Communicating, Our Diversity We Are Celebrating' como elemento de unión. Investigaron e traballaron contidos lingüísticos mentras creaban poemas acrósticos, poesía acerca do seu contexto (topos), poemas e cancións centradas en valores humanos, escribiron borradores e finalmente unha historia en común. Finalmente esa historia converteuse nunha peza teatral. Coa A de Arte expresamos infinidade de aspectos das nosas respectivas culturas, valores humanos e ilustracións das nosas historias e debuxos, transmitindo e variando a maneira na que ven o mundo ao redor deles e impulsando a súa creatividade.

A maiores, no noso colexio, este proxecto eTwinning (que era paralelo a un Erasmus) estivo completamente integrado no proxecto anual da nosa biblioteca escolar. Isto significa que o que se estaba a desenvolver en eTwinning e Erasmus tamén estaba a ser traballado por todo o profesorado e adaptado aos diferentes grupos e niveis. A programación xeral anual, os proxectos lingüísticos, a formación do profesorado, e as programacións de nivel fóronse desenvolvendo paralelas con aqueles obxectivos reflexados no noso proxecto 'United Through Creativity'





30 novembro 2020

▬ Pay it forward

Comprácenos compartir esta reseña do proxecto Pay it forward, do CEIP Plurilingüe Pena de Francia, de Mos, que vén de recibir un Selo de Calidade Europeo 2020.

A profesora Ángeles González Lemos, cóntanos como foi a experiencia:

“Pay it Forward” inspírase na película do mesmo nome. O lema era “420 árbores // 420 boas accións”.  A idea da cadea de favores implicaba un crecemento exponencial que ía permitir multiplicar os efectos iniciais e alcanzar un maior número de resultados. O mesmo tempo pretendíase que o noso alumnado aprendera a ser amable e colaborador, que aprendera a compartir e respetar e que se decatara que todos xuntos podíamos conseguir o cambio que queríamos ver no mundo. Levamos a cabo unha serie de boas accións cara a comunidade e o planeta. Elaboramos un mural onde se recollían as actividades planificadas trimestralmente.

Neste proxecto participou o alumnado de sexto de primaria e incluíronse as áreas de inglés e plástica contando coa participación das mestras de francés, música e relixión nalgunhas das actividades desenvolvidas.

Desde aquí, felicitámosvos polo bo traballo!

Se tes interese, podes acceder ao seu TwinSpace, e aquí tes a portada do proxecto.





27 novembro 2020

S.O.S: Sustain Our Souls

Compartimos convosco unha reseña do proxecto “SOS: Sustain Our Souls” do IES Terras do Xallas, de Santa Comba, que acaba de ser premiado cun Selo de Calidade.



As palabras da profesora premiada, Ana Isabel López Novo, ao respecto, son:

O noso proxecto “S.O.S: Sustain our Souls” parte da actual necesidade de darlle valor ao noso patrimonio natural, o noso hábitat herdado, xa que é a nosa identidade; a nosa alma. Centrámonos especialmente en investigar o entorno natural e cultural do alumnado, en espertar a súa consciencia sobre o valor tan especial que ten o seu hábitat persoal e en plantarlle cara aos perigos dun mundo virtual. Mirando con atención a natureza, a terra e as persoas que temos ó redor pretendemos conseguir que as xeracións máis xoves leven un estilo de vida máis saudable e traballen voluntariamente polo ben común.Traballamos conxuntamente con outros cinco socios de Alemaña, Romanía, Polonia, Grecia e Italia. Para saber máis sobre o proxecto, entra aquí.

23 novembro 2020

Life Scales Project

O proxecto “Life Scales Project” do IES de Beade en Vigo ven de ser galardoado co Selo de Calidade Europeo.Parabéns ás profesoras Esther Pérez e María Álvarez.


Esto é o que Esther Pérez nos conta do seu proxecto:

Este proxecto é unha extensión do noso anterior proxecto "Powers of Ten". A idea básica é a comparación das escalas presentes na natureza a través de obxectos cotiás, de xeito que o alumnado poida ter unha imaxe máis visual do tamaño dos obxectos moi, moi pequenos ou moi, moi grandes.

Neste ano o levamos a cabo cas alumnas e alumnos de 2º de PMAR. O enfoque interdisciplinar, abarcando as materias de matemáticas, bioloxía, xeografía e física, facíao moi adecuado para este alumnado. Ademáis, nesta edición participaron moitos máis países (España, Francia, Italia, Portugal, Rumanía, Macedonia e Serbia) e realizáronse moitas máis actividades de colaboración directa entre os estudantes das escolas participantes.
Na imaxe móstranse os logos do proxecto, elaborados polos propios alumnos. Un para cada unha das oito escalas da agregación da materia estudadas: átomos, moléculas, virus, células, seres vivos pluricelulares, accidentes xeográficos da Terra, corpos celestes, e, por último, galaxias.



20 novembro 2020

Selos de Calidade Europeos 2020

 



Vén de ser publicada a lista de Selos de Calidade Europeos eTwinning 2020, que pode ser consultada nesta ligazón.

A continuación destacamos os proxectos e profesorado galegos que obtiveron este recoñecemento: XX selos en total!



Parabéns ao profesorado, ao alumnado e aos centros!!!!


Mª de los Ángeles González Lemos
CEIP Plurilingüe Pena de Francia
Mos
Pay it forward
Carmen María Fernández Rodríguez
EOI A Coruña
A Coruña
Stories Time Capsule
Isabel Rama Nion
EOI A Coruña
A Coruña
Stories Time Capsule
Gonzalo Garcia Fernandez
SEK International School Atlántico
Poio
LOAD - Life Of A Digi
Susana Fontán
SEK International School Atlántico
Poio
S.W.A.T. Scienze Will Advance Througout us
Carmen Fernández Vázquez
IES de Poio
Poio
Equi-eTwinning
Carmen Fernández Vázquez
IES de Poio
Poio
OPTIME
Laura Fernández Sasiaín
IES de Poio
Poio
OPTIME
Marcos Vence Ruibal
IES San Clemente
Santiago de Compostela
Pek, the Traveller Flea 5
Esther Pérez Fernández
IES de Beade
Vigo
Life Scales Project
María Álvarez
IES de Beade
Vigo
Life Scales Project
Ana Isabel López Novo
IES Terra do Xallas
Santa Comba
SOS - Sustain Our Souls
Mela Rodríguez Montegrifo
CEIP Plurilingüe Froebel
Pontevedra
ClimACT News
Esther Basanta
CEIP de Cervo
Cervo
United through creativity

12 junho 2020

"Tour por la ciudad ideale"

A profesora Ana Santos do I.E.S Valle Inclán de Pontevedra, quere compartir con todos nos un novo Proxecto no que ven de participar o seu centro.

10 junho 2020

Selos de Calidade

Queridos galegos e queridas galegas que facedes proxectos eTwinning... 
Grazas


Informamos de que o prazo para pedir selos de Calidade NAcional e ate o 10 de xullo. Esta vez cambiou a rúbrica de calidade, pero ven sendo amesma.

Mi rade se podedes dar o perfil para pedilo e animádevos.


Plazo límite para solicitar Sellos de Calidad Nacional 2020




SELFIE

Hoxe houbo un webinar a cargo do SNA no que César Herrero e Marta onde se nos informou sobre SELFIE.


SELFIE é unha ferramenta gratuíta coa que podemos avaliar o noso centro a nivel de uso de tecnoloxías. Cunha serie de enquisas anónimas, propoñen co resutado fortalezas, debilidades e propostas de mellora. Só precisamos tres grupos que poden ser: profesorado, alumnado e equipo directivo.
É unha ferramenta de autoreflexión, non de autoavaliación. Tampouco fai rankings de centros nin podes acceder a compararte con outros.







Se vos animades algún centro podedes contar as vosas experiencias.

Insignia Intef



Esta é a megainsignia de INTEF que podedes solicitar se completades os 10 NOOC sobre eTwinning.

Como non teñen esta noticia no noso idioma, achego o en lace a información en castelán da entrada do portal.

1) En resumo ate o 26 de xuño para solicitala.

2) Escribe un email a asistencia.etwinning@educacion.gob.es indicando: 
  • Solicitud megainsignia 10 NOOC eTwinning
  • Nombre y apellidos
  • Dirección de correo electrónico con el que estás registrado en “Insignias INTEF”. 
3) Contribúe ao desenvolvemento e aprendizaxe dos niveis: "El nivel B2 de la Competencia 2.1.” Interacción mediante las tecnologías digitales” del Área 2, Comunicación y Colaboración, del Marco Común de Referencia de la Competencia Digital Docente, de la Competencia 2.3. del Área “Participación ciudadana en línea”, nivel C1 de la de la Competencia 2.4. del Área 2 “Colaboración mediante canales digitales, el nivel B1 de la Competencia 3.1 “Desarrollo de contenidos digitales”, del Área 3 Creación de contenidos digitales, el nivel B1 de la Competencia 5.2 Identificación de necesidades y respuestas tecnológicas y 5.3 Innovar y utilizar la tecnología digital de forma creativa del área de “Resolución de problemas” y el nivel C2 de la Competencia 1.1 “Navegación, búsqueda y filtrado de información, datos y contenidos digitales”.

4)Estos son os 10 NOOC eTwinning:
  1. NOOC eTwinning Live (más información aquí.)
  2. NOOC Busca tu socio eTwinning (más información aquí.)
  3. NOOC Diseña eTwinning (más información aquí.)
  4. NOOC Colabora en eTwinning (más información aquí.)
  5. NOOC Calidad en eTwinning (más información aquí.)
  6. NOOC Evalúa y difunde tu proyecto eTwinning (más información aquí.)
  7. NOOC eTwinning en Erasmus+ (más información aquí.)
  8. NOOC Tu TwinSpace (más información aquí.)
  9. NOOC Gestiona tu equipo en proyectos eTwinning (más información aquí.)
  10. NOOC A “videoconferenciar” en eTwinning (más información aquí.)


23 março 2020

Webinar Proxectos eTwinning en EOIs



        O próximo xoves 26 de marzo ás 11.30 da mañá terá lugar o primeiro webinar
       sobre proxectos eTwinning en Escolas oficiais de Idiomas. 
       Está organizado polo SNA e conta coa participación de dúas profesoras
       galegas.

        Pódese acceder a través do link incluido no poster anunciador do webinar que 
        aparece aquí adxunto.

                   


                  

18 março 2020

Escolas galegas con Selo de centro eTwinning - 2020


Vén de publicarse a lista de escolas europeas acreditadas co selo de centro eTwinning no 2020 na terceira edición desta iniciativa. Nesta ocasión 2139 escolas europeas obtiveron a distinción, entre elas, tres galegas, que renovan o selo obtido na edición 2018-2019:
  • Colegio Internacional SEK-Atlántico, Poio
  • IES San Clemente, Santiago de Compostela
  • IES de Poio, Poio

O selo de centro eTwinning recoñece o traballo realizado con eTwinning no ámbito do centro educativo por equipos docentes e persoal de dirección. Parabéns aos premiados!

Xunto cos premiados na edición 2019-2020, en total son 6 os centros galegos con eTwinning School Label vixente:
  • CEIP Plurilingüe Vista Alegre, de Burela.
  • Colexio Losada, de Vigo.
  • IES de Beade, de Vigo.

Tan só teñen o selo o 1,5 % dos centros educativos europeos rexistrados en eTwinning.

13 fevereiro 2020

IES Monte das Moas

 Os días 30 de xaneiro e 13 de febreiro tivo lugar unhas xornadas de formación para un grupo de traballo que hai no IES Monte das Moas. Non coinciden as datas coa presentación porque houbo un inconvimte e adiamos o inicio dúas semanas.
A formación consistiu en explicación do que é eTwinning, moverse polo eTwinning Live, facer un evento con Adobe Connect e formación/convocatorias.
A presenza das nove persoas que había foi moi agradable e o trato recibido moi bo.
Á pregunta final de como buscar socios foi a mais difícil de responder , e é un traballo que esperemos lles sexa compensado pola boa idea que teñen plantexada (non vou facer spoiler)



19 janeiro 2020

Encontro Internacional Erasmus+ Ferrol

Os días 15 e 16 de xaneiro, celebrouse en Ferrol o Encontro Internacional Erasmus+, o obxectivo fundamental era difundir e formar sobre experiencias de internacionalización de proxectos e centros educativos.
Nese contexto, a Embaixada eTwinning foi convocada para dar a coñecer o programa eTwinning non só como potencial sistema de internacionalización de proxectos e centros, senón como ferramenta indispensable para a organización didáctica do Erasmus+.
Así, Susana Vázquez asistiu o día 16 para levar a cabo esa aproximación a eTwinning a máis de cen profesores asistentes, sendo presentada e precedida por Luz Ares, asesora eTwinning na Consellería de Educación.
Achégase o programa do Encontro Internacional Erasmus+ Ferrol.