28 dezembro 2018

Actividades do primeiro trimestre 18-19

Resumo das actividades do primeiro trimestre do ano lectivo 2018-2019:
  • Reunión con Luz Ares, a nova representante do SNA en Galicia, para establecer as prioridades a curto e medio prazo: recoñecemento institucional para centros participantes en eTwinning, publicación do nodo na web da Consellaría, melloras no procedemento de certificación como Formación, estratexias para conseguir a certificación como Innovación, reedición do curso de Platega, entre outras.
  • Café con eTwinning: EOI de Vilagarcía de Arousa e CEIP Viñagrande de Deiro.
  • Docencia en PFPP: IES Xelmírez I, CPI Progreso e IES Terra Cha - Trapero Pardo.
  • Actividade de Formación no CEE de Pontevedra

12 dezembro 2018

Convocatorias eTwinning 2019

Informamos de que está aberto o prazo para inscribirse nas actividades de formación eTwinning para o ano 2019

Apurádevos que tedes de prazo ata o 22 de decembro para solicitar as diferentes ofertas de formación.
Non é preciso ter experiencia, xa que hai seminarios bilaterais con Portugal ou Francia para búsqueda de socios.

http://www.educacionyfp.gob.es/mecd/servicios-al-ciudadano-mecd/catalogo/general/educacion/203149/ficha.html#dp

08 dezembro 2018

▬ On a journey with the ARTist


On a journey with the ARTist




O proxecto “On a journey with the ARTist” é a aventura que emprendemos seis colexios europeos de Bélxica, Finlandia, Grecia, Irlanda, Romanía e España da man de Jan, a nosa mascota para conseguir a través dunha linguaxe universal como é a arte (nos seus diferentes campos: pintura, música, teatro…) coñecernos mellor e seguir descubrindo que sempre son máis os aspectos que nos achegan que os que nos separan. Para levar a cabo o proxecto con éxito servímonos de numerosas ferramentas dixitais que nos facilitaron a creación de actividades e poder compartilas e intercambialas, para o que eTtwinning tamén foi clave. Ademais, tivemos a oportunidade de coñecernos nas dúas viaxes que foron organizadas para o alumnado, unha no noso colexio e outra en Bélxica.

O proxecto dividiuse en 3 anos:
  • O primeiro adicámosllo á pintura onde coñecemos artistas e obras de arte dos diferentes países e posteriormente creamos e reproducimos algunhas delas utilizando distintos materiais e técnicas, converténdonos así en verdadeiros artistas.
  • No segundo centrámonos na música. Ademais de coñecer artistas e pezas musicais dos distintos países, creamos a canción do proxecto e a súa coreografía.
  • O terceiro adicámosllo ao teatro. Creamos unha historia colaborativa na que Jan, a mascota viaxaba polos distintos países socios. Esta obra foi interpretada en todos os colexios para as nosas Comunidades Educativas o pasado mes de xuño.


PÁXINA WEB DO PROXECTO: http://art.languages.ro/


     

02 dezembro 2018

Entrega do Selo de Calidade Europeo en Mesón do Vento.


O día 29 de novembro, a Embaixada eTwinning en Galicia foi convidada por Alejandro Varela, coordinador do proxecto eTwinning "What are some tradional dishes of your country?" no CEIP Mesón do Vento, para facer entrega dos diplomas do Selo de Calidade Europeo aos participantes. O proxecto é un modelo de colaboración arredor da cociña tradicional que serviu na mellora das competencias dixital, comunicativa e de aprender a aprender do alumnado.

Os profesores implicados decidiron organizar un acto de entrega de premios, que contou coa asistencia de todo o claustro, as familias, o alumnado de 1º de ESO (participante no pasado curso) e todo os nenos e nenas do centro. No acto contaron, tamén, coa asistencia de representantes da Inspección Educativa e do Concello de Ordes, no que se adscribe.

A sesión festiva, foi un homenaxe a todos os participantes: alumnado, profesorado, persoal non docente e familias, arredor dunha idea de traballo que abre as portas do centro e o sitúa no mapa europeo da innovación educativa.

Despois de dar os primeiros pasos na súa internacionalización, a escola ten a experiencia precisa para iniciarse no mundo de Erasmus+, obxectivo dos protagonistas. Alén diso, están ultimando os detalles da próxima candidatura a Centro eTwinning.

Foi un pracer compartir convosco a ilusión do día e, especialmente, poder transmitir o ánimo e a valoración que supón ser un dos 26 centros premiados con estes Selos na edición 2018.

Moitos parabéns e... seguimos en contacto neste, que só é o inicio dun longo percorrido!

30 novembro 2018

Iníciate en eTwinning - 2ª edición

Vén de finalizar con grande éxito a segunda edición do curso de Platega Iníciate en eTwinning, da nosa Embaixada.

Participaron con grande motivación, setenta e oito docentes de Galicia que aprenderon a desenvolverse no eTwinning Live, Groups e TwinSpace.

Practicamente todo o traballo foi realizado nas plataformas de eTwinning. Podedes ver as súas impresións no Diario do Proxecto e en Twitter.


29 novembro 2018

eTwinning como ferramenta inclusiva. Docencia.

O IES Trapero Pardo, Castro Riberas de Lea, Lugo, no desenvolvemento do seu PFPP sobre educación inclusiva, solicitou da Embaixada eTwinning, unha docencia que tratase este tema no contexto do programa eTwinning.

A docencia tivo lugar na sede do CFR de Lugo, a cargo de Susana Vázquez, que organizou a sesión, de tres horas, en relación aos eixos que o grupo de traballo acordou previamente.

A boa marcha da sesión e o interese amosado polos participantes levaron a acordar unha ampliación da docencia, que se prolongará, por tres horas máis, no mes de xaneiro.


Houbo tempo para traballar arredor da escola inclusiva e do traballo cooperativo, de experimentar con dinámicas colaborativas moi útiles no desenvolvemento de proxectos de aula e centro, e ferramentas web frecuentemente incluídas nos eTwinning.


O SNA, para a ocasión, enviounos material promocional e un exemplar por participante, da publicación Construir una cultura inclusiva con eTwinning (2017).

Agradecemos á asesora do CFR, Ana Osorio, así como á coordinadora do PFPP, Ana Mª García, a confianza e a facilitación das sesións, así como a axuda para crear un ambiente de traballo tan produtivo!

▬ Biblioteca para todos e Da miña casa para o mundo

O IES Poeta Díaz Castro, un ano máis, vén de recibir dous Selos de Calidade Europeos. Os proxectos premiados foron:


Un proxecto destinado ao alumnado con necesidades específicas de apoio educativo, desenvolvido cos compañeiros de Terceira, Illas Azores, e de La Sénia, Tarragona. O traballo pretendeu mellorar a lectura comprensiva e a lectura pracenteira, achegándonos á Biblioteca como portadora de soños e aos libros como espazos de creatividade, esparexemento e lecer.
O traballo cooperativo e a interacción entre os alumnos foi o combustible que nos levou ata o bo porto: O lugar desexado no que crear, xuntos, un libro sensorial que viaxou de un a outro centro para ser materializado. 
Alumnos e profesores implicados, encontramos moitos momentos para mellorar as nosas competencias, para establecer lazos persoais e profesionais, para... unha vez máis, buscar respostas innovadoras ás nosas preguntas escolares.
O uso das TIC e a busca da competencia comunicativa foron dúas das accións de maior importancia, así como dotar ao alumnado dun espazo de lecer alternativo e de calidade, na lectura e no uso das tecnoloxías para fins de socialización e busca de estratexias de resolución de problemas.

EBI Francisco Ornêlas de Câmara. Rosa Medeiros, Cláudio Ferreira, Helena Louro, Francisco Rocha.
IES La Sénia. Tarragona. Rosalía Serralta.
IES Poeta Díaz Castro. Susana Vázquez Regueiro


Este proxecto foi a nosa proposta para que o alumnado de 1º de ESO coñecese a lingua portuguesa nunha primeira aproximación. Durante uns meses, os nenos e nenas desta materia, encontraron un espazo común cos compañeiros portugueses de Canelas, cos que descubriron outros mundos partindo dos propios. Moito hai que nos une, e algunhas características nos fan únicos e magníficos, portadores valiosos da nosa cultura. Nesa contorna, o alumnado fixo unha primeira achega á lingua veciña, contextualizada e divertida, que utilizou a casa como tópico de estudo.

O proxecto axudounos a encontrar a dinamización das linguas e da competencia comunicativa en contextos próximos e reais, procurando a socialización e a competencia dixital no desenvolvemento das aprendizaxes.

Agrupamento de Escolas de Canelas. Augusto Oliveira.
IES Poeta Díaz Castro. Susana Vázquez Regueiro.


19 novembro 2018

Difusión eTwinning na Universidade Jules Verne en Amiens




A profesora Ana Santos do I.E.S Valle Inclán de Pontevedra, comparte connosco as imaxes da Xornada de difusión-Formación na Universidade Jules Verne.
"Aproveitando a miña estadía en Francia, con unha beca PIALE,  onte luns 12 de novembro fun invitada pola profesora Isabel Albar, embaixadora etwinning en Picardie, a compartir con ela unha charla sobre Etwinning na universidade a alumnos que realizan o seu master en multilinguismo e diversidade, estos futuros docentes mostraronse moi receptivos coas ensinanzas recibidas e xa comenzaron a inscribirse e realizar o seu perfil na plataforma, para min foi un desafío poder compartir esta xornada  de formación na universidade Jules Verne en Amiens.

Envío as fotos da ponencia que por suposto fixemos en francés"

▬ Había una vez...



Neste proxecto os alumnos  de Quinto de Educación Primaria colaboraron cun colexio italiano, tomando como punto de partida o estudo dos edificios históricos do seu entorno, comparándoos con edificios da mesma época que estudaban os seus socios, xa que o primer obxectivo do proxecto era coñecer a nosa historia e a súa relación con outras culturas europeas.

A través de actividades interactivas, e integrando as novas tecnoloxías no seu proceso diario de aprendizaxe, os alumnos realizaron diversas actividades, traballando os obxectivos específicos do seu curso referentes á expresión oral e escrita, á vez que aprenderon que a lingua é sobre todo unha forma de expresarse, e que hoxe en día podemos comunicarnos de forma activa e traballar con compañeiros doutros países. 

Tamén se traballaron obxectivos doutras materias como o coidado da natureza e do patrimonio artístico… tendo unha grande importancia aspectos como a interculturalidade ou o espírito europeo e as súas influencias na sociedade actual. Ao longo do proxecto enlazamos con temas de actualidades como o papel das mulleres na ciencia actual, as mulleres na historia (elaboraron unha colección de libros ilustrados cunha protagonista que percorría a Pontevedra medieval: a feira franca, a construción de Santa María, o Castelo de Soutomaior... e nos contaba o papel das mulleres neses lugares)  ou o drama dos migrantes nas costas de España e Italia.

Os alumnos visitaron e estudaron o Convento de San Francisco, a Basílica de Santa María a Maior (ambos en Pontevedra cidade), o Mosteiro de Poio, a Catedral de Santiago (de forma especial o Pórtico da Gloria), ao mesmo tempo que os alumnos italianos estudaban edificios relacionados de algunha forma con eles. Para rematar entre todos estudamos un edificio actual: a sede do Parlamento Europeo. Ao rematar cada trimestre elaboraban un conto interactivo (utilizando as diversas formas de expresión escrita que marca a lei para sexto: diario, conto, poesía, teatro.... e elaboraban tamén xogos interactivos con diversas plataformas que se utilizaban para “competicións” mixtas con grupos formados por alumnos españois e italianos que que nos servían de ferramenta de avaliación (tanto pola forma de elaborar os xogos e de facer as preguntas como polas respostas mesmas). Nalgún caso invitamos ás familias a xogar tamén.

Como ferramentas interactivas traballamos programas para presentar traballos: power point, prezzi, diarios interactivos, liñas do tempo interactivas, tiñamos a nosa propia conta de twitter para expoñer traballos, o blogue de clase e incluso utilizamos o Minecraft na súa versión educativa para construír o Parlamento Europeo.

Tamén contamos coa comunidade non educativa, con charlas do CSIC, dun peregrino, dun estudoso do Camiño de Santiago...

Foi un proxecto moi interesante, no que os alumnos se implicaron e aprenderon moito... ao mesmo tempo que se divertiron e coñeceron o seu entorno dunha forma real e práctica.

▬ When there is a will there is a way


O colexio plurilingüe Sta Teresa de Jesús-Carmelitas Ourense, recibiu o selo de calidade europeo polo proxecto eTwinning que os alumnos de 3º ESO levaron a cabo o curso pasado: Where there's a will, there's a way.

Grazas á participación neste proxecto os nosos alumnos mantiveron unha comunicación activa con dez colexios doutros países europeos  e elaboraron materiais empregando de maneira adecuada as TIC.

O obxectivo do proxecto era animar aos estudantes a pensar como poden contribuír a reducir o consumo de enerxía e desfacerse dos hábitos insustentables existentes. Ademais, é importante que os estudantes se pregunten de onde provén a enerxía que consumen no fogar e na escola e como se produce, así como investigar outras posibilidades e aprender dos outros participantes europeos do proxecto.

▬ Proxecto Nautilus


CPR Plurilingüe Losada Vigo
Lycée Nicolas Appert, Orvault-Nantes

O Proxecto Nautilus xira en torno á figura do escritor francés Jules Verne e a conmemoración en febreiro de 2018, do 150 aniversario da chegada do Nautilus á Ría de Vigo en busca dos tesouros afundidos na Batalla de Rande.

Os centros participantes son o CPR Plurilingüe Losada de Vigo e o Lycée Nicolas Appert, de Orvault-Nantes, Francia. Participaron 63 alumnos de entre 15-16 anos e un equipo de 16 profesores de ambos centros.

Durante doce meses desenvolvéronse, en español, francés e inglés, diversas actividades implicando as áreas de xeografía e historia, linguas estranxeiras, literatura, bioloxía, enxeñería industrial, tecnoloxía, informática, arte, física e química e educación física.

Producíronse grande variedade de resultados tales como a creación dun multi-xeocaching sobre a Ruta Verniana no casco urbano de Vigo e un earthcache na Illa de San Simón, baseadas na visitas do escritor á cidade, a creación de unha aplicación para móbiles e tablets Android “Siguiendo las huellas de Jules Verne en Nantes” en 3 idiomas, a elaboración do Atlas da obra “Robur o conquistador”, que publicará a Sociedad Hispánica de Jules Verne, un Trivial dixital Jules Verne, audiovisuais, programas radiofónicos, ebooks, xogos con aplicacións dixitais, etc.

Este proxecto pretende contribuír desde a faceta escolar á difusión do patrimonio cultural común que nos une gracias ao autor: o mundo literario, histórico e científico- tecnolóxico e recoller ademais, o espírito de unha época de innovación e de avances científicos que anticiparon o futuro.

25 outubro 2018

Selos de Calidade Europeos 2018



Vén de ser publicada a lista de Selos de Calidade Europeos eTwinning 2018, que pode ser consultada nesta ligazón.

A continuación destacamos os proxectos e profesorado galegos que obtiveron este recoñecemento. Establecemos un récord: 26 selos en total!

Parabéns ao profesorado, ao alumnado e aos centros!!!!


Ana Belén López Pérez
IES San Rosendo
Mondoñedo
Ana María Santos Solla
IES Valle-Inclán
Pontevedra
"YES !" : Young Europeans in Sports
Aarón Bernárdez Pérez
CPI Mondariz
Mondariz
Aarón Bernárdez Pérez
CPI Mondariz
Mondariz
Spring Tale
Cristina González Sotelo
CPI Mondariz
Mondariz
Spring Tale
Yolanda Gómez Fernández
CPI Mondariz
Mondariz
Spring Tale
Abel Rodríguez López
IES Francisco Daviña Rey
Monforte de Lemos
HydrAula
María Jesús Casado Barrio
IES Francisco Daviña Rey
Monforte de Lemos
HydrAula
Alejandro Varela Raña,
CEIP Mesón do Vento
Ordes
What are some traditional dishes of
your country?
Xela Cunarro
CEIP Mesón do Vento
Ordes
What are some traditional dishes of
your country?
Rocío Souto
CEIP Mesón do Vento
Ordes
What are some traditional dishes of
your country?
Javier Barros Pereira
IES de Poio
Poio
Carmen Fernandez Vázquez
IES de Poio
Poio
Carmen Fernandez Vázquez
IES de Poio
Poio
Familia Europaea
Clara Liz
Colexio Losada
Vigo
Proyecto Nautilus
Esther Pérez Fernández
IES de Beade
Vigo
Powers of ten project
Francisco Javier Núñez Aguado
IES Nosa Señora dos Ollos Grandes
Lugo
Working in Europe - Skills for Success
Gema Cillero
CEIP Plurilingüe Vista Alegre
Burela
On a journey with the ARTist
Isabel Carrillo Paz
Sta Teresa de Jesús-Carmelitas Vedruna Ourense
Where there's a will, there's a way
Marcos Vence Ruibal
IES San Clemente
Santiago de Compostela
Pek, the Traveller Flea, in Babel
Mª del Carmen Rodríguez Montegrifo
CEIP Manuel Vidal Portela
Pontevedra
Christmas Connections 2016
Mª del Carmen Rodríguez Montegrifo
CEIP Manuel Vidal Portela
Pontevedra
Christmas Connections Through Art 2017
Nuria Castelo
IES Leiras Pulpeiro
Lugo
Por el Camino
Susana Fontán
SEK International School Atlántico
Poio
Había una vez...
Susana Vázquez Regueiro
IES Poeta Díaz Castro
Guitiriz
Da minha casa para o mundo
Susana Vázquez Regueiro
IES Poeta Díaz Castro
Guitiriz
Biblioteca para todos

14 julho 2018

Inscríbete en Iníciate en eTwinning 2018-2019

Está aberto o prazo de inscricións no curso de Platega Iníciate en eTwinning que se desenvolverá durante o primeiro trimestre do ano 2018-2019.

Solicita a túa praza en fprofe antes do 15 de setembro!

Ficha técnica
Edición anterior





06 julho 2018

▬ Building linguistic bridges: from Classical to Modern languages

Building linguistic bridges: from Classical to Modern languages  é un proxecto eTwinning desenvolvido entre o IES de Poio e o  Experimental Lyceum of Agioi Anargyroi en Atenas.

.Consistíu nun curso en liña de español e grego moderno completamente deseñado, implementado e avaliado polo alumnado. No centro galego foi un proxecto interdisciplinar entre os departamentos de Grego, Tecnoloxía e dinamización lingüística no que participou alumnado de 1º de bacharelato e 4º da ESO.

Estudantes galegos e gregos produciron todos os materiais de aprendizaxe e, partindo do seu coñecemento das linguas clásicas, cada grupo de traballo internacional  ensinou a súa lingua aos seus compañeiros do outro instituto. O inglés foi a lingua de comunicaión.

O coñecemento e o aprecio por unha herdanza cultural compartida servíu de base para o diálogo intercultural antre as nosas comunidades escolares.
O noso proxecto buscou mellorar a competencia lingüística e dixital do alumnado. Éste desenvolveu o seu coñecemento das linguas clásicas para converterse en bos ensinantes de linguas modernas para os seus compañeiros.

Estas son as ligazóns ao Twinspace e á páxina web do proxecto.

▬ Familia europaea


Familia Europaea é un proxecto eTwinning desenvolvido por alumnado de Estremadura, Polonia, Alemaña e Italia no que particpou tamén alumnado de Latín de 4º de ESO do IES de Poio. 

Estivo enfocado a traballar os primeiros 8 capítulos do manual Lingua Latina Per Se Illustrata con actividades colaborativas entre alumnado europeo.O seu obxectivo principal foi a experimentación da interrelación de metodoloxías activas como a gamificación, a aprendizaxe baseada en problemas, a aprendizaxe colaborativa, entre outras, co método inductivo contextual propio de LLPSI. 

Moitas das actividades realizáronse en contextos intrdisciplinares, coa participación doutras aŕeas.Buscouse a mellora en competencias clave, inicidindo especialmente en Competencia Lingüística, Competencia dixital, Aprender a aprender, la Competencia social e cívica, así como a Competencia en conciencia e expresión cultural.

Outro dos obxectivos do noso proxecto foi promover o uso da plataforma eTwinning entre o profesorado de Clásicas.

Estas son as ligazóns ao Twinspace, á páxina web e ao blog do proxecto.

30 junho 2018

Entrega diploma selos de calidade ao alumnado do I.E.S Valle Inclán de Pontevedra

Onte no I.E.S Valle Inclán de Pontevedra, celebrouse un emotivo acto como remate ao Proxecto Erasmus +YES. Este proxecto recibiiu selo de calidade Nacional ,e a embaixadora Mela Rguez foi invitada ao acto para facer  entrega dos diplomas ao alumnado participante no Proxecto.
A noticia quedou recollida en varios medios de prensa local e redes sociais.

Noraboa e graciñas por deixarme acompañarvos nesta andaina!!!!



23 junho 2018

▬ 2018 European Heritage for small and young pupils

O alumnado de 5º de infantil do CPI de Mondariz, realizou un proxecto eTwinning sobre patrimonio europeo, tema europeo do 2018. Para elo contaron co seu profesor de AL Aarón e a súa titora Anita.

Durante o proceso, compartimos aspectos culturais e vimos os de outros países. Tamén mostras de arquitectura, comidas, música, xogos, etc. Tampouco faltaron xogos e unhas conexións en vivo con alumnado de outros países.

 Fixemos unha síntese das cousas mais relevantes, pero senón invitámosvos a ver o proxecto no link



Ao final tivemos o ansiado premio: o Selo de Calidade Nacional.








et2

E o europeo:


▬ Spring Tale

O alumnado de 6º de infantil do CPI de Mondariz, realizou un proxecto eTwinning sobre a primavera. Para elo contaron co seu profesor de AL Aarón, a súa titora Cris e a profe de apoio Yoli.

Durante o proceso, observamos os cambios na natureza antes, durante e despois da primavera; tanto nos animais como nas plantas. Aumentamos vocabulario, exercemos dotes artísticas, celebramos efemérides como o día da Terra, da nai, etc. Non faltou tempo para observar e xogar no aire libre, aprender poemas, e moitas cousas mais.

Puidemos ver aos outros centros nunha conexión en directo.

Fixemos unha síntese das cousas mais relevantes, pero senón invitámosvos a ver o proxecto no link



Ao final tivemos o merecido premio do Selo de Calidade Nacional.


E o europeo:



25 abril 2018

Iníciate en eTwinning

Vén de finalizar con grande éxito a primeira edición do curso de Platega Iníciate en eTwinning, da nosa Embaixada.

Participaron con grande motivación, corenta docentes de Galicia que aprenderon a desenvolverse no eTwinning Live, Groups e TwinSpace.

Practicamente todo o traballo foi realizado nas plataformas de eTwinning. Podedes ver as súas impresións no Diario do Proxecto e en Twitter.


11 abril 2018

Escolas galegas con Selo de centro eTwinning


Acaba de publicarse que, de tódolos países que traballan no programa,  1211 centros obtiveron o selo de centro eTwinning. Entre eles, como publica o Servizo Nacional,  94 centros españois.
O selo de centro eTwinning recoñece o traballo realizado con eTwinning no ámbito do centro educativo por equipos docentes e persoal de dirección.

Parabéns aos premiados, en especial aos 6 centros galegos:
  • CEIP Manuel Vidal Portela - Pontevedra
  • Colegio Internacional SEK-Atlántico - Poio
  • IES Francisco Daviña Rey - Monforte de Lemos
  • IES David Buján - Cambre
  • IES San Clemente - Santiago de Compostela
  • IES de POIO - Poio
Tan só obtiveron o selo o 0,6% dos centros educativos europeos rexistrados en eTwinning.

Nova no boletín da Consellaría de Educación

.

02 abril 2018

Formación en Ourense

   O 21 de marzo, foi o día escollido no Ateneo de Ourense para dar una chococharla sobre formación en eTwinning.


    A formación impartida en galego durou unha hora e media e non tivo moita afluencia. Os temas clave eran:

1) Saber qué é eTwinning e diferencias con ERASMUS. Vantaxes e proceso de alta
2) Usar o twinspace como fonte de proxectos, formación, grupos...
3) App Adobe Conected para videoconferencias.
4) Mostrar exemplos de traballo e boas prácticas.
5) Selos de calidade en alumnado, profesorado, centros, directrices de cómo conseguilos, etc



   Cando me nomearon embaixador eTwinning na provincia de Ourense, sabía que tiña un reto por diante: introducirme na provincia na que vivo, pero non traballo; a más envellecida de Galicia, e onde precisas máis de 159 puntos no concurso de traslados (coa idade que leva gañalos) para poder acceder a impartir docencia en un dos colexios da ciudad. Tamén é a provincia que menos proxectos solicita á a Xunta de Galicia de innovación, proxectos europeos, mellora de bibliotecas, robótica, enseñanza dixital, e un longo etcétera.

     Encontreime en decembro de 2017 con 19 proxectos abertos eTwinning, dos cales dous eran dunha villa a 25km de Ourense, outros doce de un colegio concertado que realiza moitos proyectos europeos de eTwinning e ERASMUS, e outros 5 de outra vila a casi corenta minutos de Ourense (que posee aula Samsung). Todos eses proxectos abertos pero non activos.

     Levaba tempo counha formación pendente, que foi convocada cunha semana de antelación, pero publicouse en redes sociales, periódico rexional e envióuselle dende o Ateneo correo a todos os centros da cidade ourensana.


  Con esos antecedentes e un escaso publico, comezou aa tertulia.
    
   En primeiro lugar explicar qué é eTwinning a diferencia de Erasmus. Posteriormente enseñar a usar o twinspace. Á hora do Adobe Conected houbo problemas de conexión. Tiña a unha socia de Italia no evento online para tal fin, pero non funcionou nin en móbil nin en ordenador.


   Como exemplo púselles un proxecto meu pechado que obtivo selos Nacional e Europeo "Viajes-mi pueblo es tu pueblo" e dous que levaron premio europeo este año. Tamén invitei a xente asistente a ver os kits e exemplos do SNA (Servicio Nacional de Apoyo) e da páxina da embaixada.

    Para concluír, a recente aparición de selos eTwinning en centros e o seu impacto. Sen esquecernos dos requisitos para conseguir tamén os do profesorado e alumnado.

   Nos instantes posteriores á tertulia, unha profesora comentoume que iniciara un proxecto e estaba un pouco perdida. Tamén me dixo que realizara algún pequeño seminario, pero todavía no se atrevera cun learning event.

  Outro profesor comentoume que teiña unha compañera nun ERASMUS, pero que lle transmitiría o alí visto. Quedamos en vernos os tres nun futuro, xa que se interesaron por realizar no seus centro s algún proxecto eTwinning.

   Invitei a todos e todas a entrar no grupo eTwinning de xente de Ourense.

  A principal conclusión foi clara, que foi unha mágoa que non houbera mais xente.

14 março 2018

Ideas de actividades

O SNA español publicou un conxunto de ideas para realizar actividades nos nosos proxectos eTwinning, agrupadas en tres categorías:

Lembrade: podedes usalas tal cal, adaptalas ou simplemente inspirarvos nelas para creardes as vosas propias actividades.

28 fevereiro 2018

Sesión de formación no IES Nº1 - Ordes

O pasado xoves 22 de febreiro, a embaixada galega impartiu unha sesión de formación no IES Nº1 de Ordes.

Un grupo de profesorado do citado centro está a desenvolver un PFPP (plan de formación permanente do profesorado) sobre Programas Europeos. Querían coñecer eTwinning e as posibilidades de integración de proxectos eTwinning dentro de Erasmus+.

A presentación que se fixo para a sesión de docencia atópase no TwinSpace do proxecto da embaixada eTwinning Galiza-Portugal.


O grupo de profesorado tamén estivo facendo prácticas en dito proxecto eTwinning.


17 janeiro 2018

Formación continua de equipos directivos

Estanse a celebrar sesións de formación continua de equipos directivos nas catro provincias galegas, coa presenza das embaixadoras Carmen Fernández e Susana Vázquez, os embaixadores Marcos Vence e Aarón Bernárdez e a representante do SNA Victoria Penide.

A día de hoxe celebráronse dúas en Pontevedra e Ferrol e restan as de Lugo e Ourense.

Nesta páxina podedes acceder ás presentacións relacionadas con eTwinning