01 setembro 2019

▬ Show our love

A profesora Arancha Pernas Temes do CEIP Plurilingüe de Abanqueiro, Boiro, ven de poñerse en contacto coa Embaixada eTwinning en Galicia para comunicarnos a concesión do Selo de calidade nacional para o proxecto Show your love.

Deixamos aquí o resumo do proxecto feito pola profesora.
Parabéns a todos os participantes no proxecto!


Show your love (Amosa o teu amor)  xurdiu da colaboración entre diferentes países de toda Europa (Turquía, Ucrania, Croacia, Italia, Serbia, Romanía, Portugal, Macedonia e o noso centro desde España) a través da plataforma eTwinning, onde mestres de diferentes países traballan de forma colaborativa cos seus alumnos en proxectos co fin de coñecer distintas culturas e cuxa lingua vehicular é o inglés.

O principal obxectivo do proxecto foi traballar a expresión de emocións en distintos ámbitos e mellorar a competencia comunicativa e dixital. O proxecto inicial estaba enfocado para o alumnado de 5º de Educación Primaria, pero unha vez exposto ante o claustro, os mestres encargados de dinamizar a biblioteca decidiron acollelo como tema principal ao longo do curso, o que fixo que trascendera da miña aula de inglés e implicara a moitos máis alumnos e mestres.ç

 O proxecto dividiuse en 3 etapas:
- 1º trimestre: mostrar amor hacia os animais. Por unha banda, creamos un mural coas fotos dos alumnos e as súas mascotas. E, por outra banda, participamos na gravación da canción “Old Macdonald had a farm” entre todos os centros europeos.

- 2º trimestre: mostrar amor hacia os demais e en especial hacia os maiores. Nesta etapa tamén levamos a cabo dúas actividades: a primeira foi proposta polos fundadores do proxecto, que consistiu en formar parellas entre os centros participantes de forma aleatoria e gravar aos alumnos dicindo “Te quiero” na lingua do país seleccionado. No noso caso os alumnos de 5º tiveron que dicilo en turco, que sería “Seni sevyorum”. Nós pedímoslles que ademáis de dicilo en castelán, tamén o gravasen en galego, explicándolles que na nosa autonomía temos unha lingua cooficial. A maiores, dende o noso centro fixemos dúas saídas. O alumnado de 1º a 3º de primaria visitou o Centro de Día de Boiro e o alumnado de 4º a 6º o Cotolengo en Santiago. Nestas visitas intercambiaron distintas actividades e xogos cos maiores ademáis de levarlles un agasallo moi especial. Dado que o centro é plurilingüe na área de plástica, o alumnado elaborou uns paxariños e unhas rosas de fieltro, en función do grao de dificultade, para poñer na solapa da chaqueta que lles entregaron o día da visita.

- 3º trimestre: mostrar amor e respecto hacia a natureza e o medio ambiente, fase levada a cabo en colaboración con Manos Unidas a través da elaboración dun horto ecodidáctico, onde unha enxeñeira agrónoma explicou ao alumnado de todo o centro todas las labores de labranza. Asimesmo, e a través dun contaconto, concienciouse ao alumnado acerca do consumo responsable."

29 agosto 2019

▬ Letras Galegas

No ano 2020 cúmprese a décima edición do proxecto "Letras Galegas" no que se rende tributo á figura de Ricardo Carvalho Calero.
 
Este proxecto vense desenvolvendo ininterrompidamente dende 2011, homenaxeando en cada edición ao autor ao que se dedica ese ano o Día das Letras Galegas, e en xeral á creación artística en galego.
 

 
O eixo principal sobre o que se desenvolve o proxecto é o concurso de marcapáxinas que cada ano convoca o IES San Clemente para fomentar a creatividade e orixinalidade por parte do alumnado, pero ao longo das distintas edicións do proxecto viñéronse desenvolvendo moitas outras actividades complementarias: vídeos, timelines, enREDadas, wikipedia, scape rooms, analytics, etc.
 
Queremos destacar dous aspectos importantes:
  • Neste proxecto participaron unha grande cantidade de centros educativos galegos, xunto con socias doutros lugares de España e de Europa.
  • Recibiu varios selos de calidade nacionais e europeos en Polonia, Francia, Italia e Portugal.
  • Por primeira vez, no 2019, foi concedido o selo de calidade nacional en España sendo o coordinador Alex Dapena, profesor do IES San Clemente.
 
Máis información:

12 agosto 2019

Inscríbete en Iníciate en eTwinning 2019-2020

Está aberto o prazo de inscricións no curso de Platega Iníciate en eTwinning que se desenvolverá durante o primeiro trimestre do ano 2019-2020.

Solicita a túa praza en fprofe antes do 23 de setembro!

Ficha técnica

Edicións anteriores:
  1. Primeira edición, ano 2017-2018
  2. Segunda edición, ano 2018-2019




04 agosto 2019

▬ GaliMinho – Emprendedorismo da Eurorregião

Proxecto eTwinning desenvolvido no ano escolar 2018/2019 por profesorado e alumnado do IES San Clemente, Santiago de Compostela, e do AE Carlos Amarante, Braga, Portugal.

No centro galego participou o alumnado do ciclo Estrela PluriFP SMR coa coordinación de Marcos Vence e Catarina Reis, tendo como socia a profesora Adelina Moura.




O alumnado participante estudaba cursos profesionais de Informática. Traballaron temas relacionados co módulo Aplicações Ofimáticas, coa lingua portuguesa e co emprendemento. Exemplos de produtos: manuais técnicos, presentacións con ideas de negocio e follas de cálculo de facturación, todos eles en portugués.

O proxecto recibiu o Selo de Calidade eTwinning en España e Portugal.

Máis información:

▬ Um parafuso a menos

Proxecto da sección bilingüe en portugués Fundamentos de Hardware de 1ASIR ordinario, desenvolvido durante os anos 2016/2017 e 2018/2019.

Ademais do alumnado deses dous grupos de FH, participaron os profesores Marcos Vence e Catarina Reis do IES San Clemente e Ricardo Luís da Escola Profissional ETAP de Viana do Castelo.

As tarefas colaborativas desenvolvidas centráronse no estudo do hardware e no vocabulario técnico en portugués.


O proxecto recibiu o Selo de Calidade eTwinning en España e Portugal.

Máis información:

18 julho 2019

Nova publicación da Embaixada eTwinning


Neste ano, 2019, publicouse o libroProcesos de comunicación en entornos educativos”, coordenado por Belén Puebla Martínez, Rainer Rubira García e Silvia Magro Vela, un esforzo por explicar a comunicación como compoñente esencial de diferentes espazos educativos.

O libro reúne dez capítulos en relación con este tema. Un dos capítulos, obra da embaixadora galega Susana Vázquez Regueiro, leva por título “eTwinning: el puente hacia una mejor comunicación del alumnado, que presenta este programa como metodoloxía de traballo para unha mellor adquisición da competencia comunicativa do alumnado participante, fixándose na vertente máis social desta competencia. A redacción do capítulo resume unha investigación documental e as conclusións derivadas dela.

Para acceder á versión dixital (e descargable) do libro podes premer neste enlace.

29 junho 2019

▬ Ed Twinning - The Time Reporter

Esperanza Doval do CEIP de Sestelo-Baión, preséntanos o proxecto "Ed Twinning - The Time Reporter", que foi presentado como "exemplo de proxecto de calidade con escolas socias portuguesas" nunha actividade de formación da Embaixada.

Podedes ver o Diario de Proxecto nesta ligazón:
 

"Ed Twinning é un xornalista novo que recibe do seu tío Tim, un famoso científico, unha herdanza inesperada: unha pequena casa de campo. Con sorpresa, descobre a última invención: unha máquina do tempo. Ademais da máquina, o tío aínda lle daría un diario con varias indicacións e unha nota cunha mensaxe estraña. Ten así idea de viaxar no tempo para lograr exclusivas con importantes personalidades vinculadas á historia, arte, ciencia, etc. de Europa.
Os nosos alumnos axudaron ao novo xornalista e embarcarse nesta fantástica aventura... investigaron, prepararon as entrevistas, deseñaron máquinas do tempo, etc.



Con este proxecto preténdese que o alumno desenvolva a formación en comunicación escrita e oral, non só na lingua materna senón tamén nunha lingua estranxeira, cidadanía, expresión cultural
e artístico e TIC. Os alumnos compartiron as súas "entrevistas" nun BLOG que é visible no TwinSpace, que está oculto. Tamén presentaron outros textos e obras, compartindo información sobre o seu país en diversas áreas. Buscaron conexións, semellanzas e diferenzas, creando varios traballos de colaboración cos compañeiros. Como futuros cidadáns, reflexionaron sobre os valores europeos, a identidade europea e importancia da sociedade multicultural. 
Na súa investigación sobre países socios aprenderon a usar ferramentas web, presentar e compartir traballos e opinións. Aprenderon o importante que é non só colaborar no traballo dos compañeiros, como no produto e a avaliación das distintas actividades."

28 junho 2019

▬ Animals in the kindergarten


As profesoras Silvia Betanzos Tajes, Lucía Doval Sánchez e Mariña García San León, do CEIP Plurilingüe Celso Emilio Ferreiro da Silva, Cerceda, preséntannos o proxecto Animals in the kindergarten:

"A nosa intención con este proxecto era aumentar a presenza da lingua estranxeira como a lingua común en Educación Infantil e, ao mesmo tempo, favorecer a transferencia entre os idiomas de todos os socios participantes, enriquecendo as habilidades orais dos nenos. As actividades organizáronse en tres talleres: cociña, arte (música e plástica) e medio ambiente. Todas as tarefas centráronse en traballar o vocabulario referente aos animais sendo algunhas colaborativas entre os centros.


Creouse unha contorna atractiva na aula, con rutinas, tarefas lúdicas e traballos en grupo, para captar o interese do alumnado. Fíxose uso de variedade de estratexias comunicativas, tanto verbais como non verbais: xestos, linguaxe corporal, repetición, visualización, etc. En todo este proceso as TIC tiveron un grande protagonismo, sendo esenciais para a comunicación coas comunidades educativas dos centros participantes.

Partindo da coordinación en todo momento co profesorado titor, as tarefas que realizamos desenvolvéronse de forma integrada con aquelas que se estiveron realizando nas titorías. Desta maneira, o traballo organizouse ao redor de tres fíos temáticos: proxectos de aula, proxectos de centro e actividades complementarias e extraescolares. A nosa proposta permitiu, por tanto, integrar linguas e contidos e isto reflectiuse no Proxecto Lingüístico de Centro: criterios metodolóxicos comúns, tratamento similar de contidos, mesmas liñas de avaliación, etc.

Presentouse unha idea de proxecto por parte do noso centro e estableceuse contacto persoal mediante correo electrónico cun centro de Polonia. Os docentes asociados comunicáronse mediante o correo de interno de eTwinning organizando as tarefas e os tempos. Os alumnos compartiron o seu traballo mediante vídeos e programas informáticos para a presentación, intercambio e colaboración na realización das distintas actividades.

Foi moi gratificante poder compartir experiencias con centros doutros países, tanto para o profesorado como para o alumnado, que en todo momento se sentiu motivado coa participación no proxecto.

Os resultados do proxecto están accesibles no Twinspace, seguindo a planificación inicial do mesmo, segundo pode verse na ficha de eTwinning Live."

29 maio 2019

Actividades do segundo e terceiro trimestres 18-19

Resumo das actividades do 2º e 3º trimestres do ano lectivo 2018-2019:
Docencia en PFPP:
  • CEIP Plurilingüe Celso Emilio Ferreiro da Silva, Cerceda: introdución e primeiros pasos para iniciar un proxecto eTwinning (procura de socias, contactos, redacción da idea, etc.) relacionado co proxecto de centro, sobre animais.
  • EEI As Dunas de Panxón: eTwinning en Plurinfantil.
  • CEIP Plurilingüe de Espiñeira-Aldán: eTwinning en Plurinfantil e E-Dixgal.
  • CEIP Manuel Vidal Portela de Pontevedra: eTwinning en E-Dixgal.
  • CEIP Plurilingüe Lagostelle, en Guitiriz, Lugo: eTwinning e o uso de dispositivos móbiles.
  • IES Johan Carballeira, Bueu: Introdución a eTwinning.
  • IES de Ames: Deseño de proxectos en eTwinning.
  • IES Auga da Laxe, Gondomar: Calidade en proxectos eTwinning.
  • IES Álvaro Cunqueiro, Vigo: Calidade en proxectos eTwinning.
  • IES Trapero Pardo, Castro Riberas de Lea, Lugo: eTwinning para a escola inclusiva.
  • Facultade de Formación do Profesorado, Lugo: eTwinning como ferramenta inclusiva.
  • Facultade de Formación  do Profesorado, Lugo: eTwinning na escola rural.


Actividades de Formación:
  • CFR da Coruña: Rethinking English, eTwinning como ferramenta para o traballo colaborativo, con docentes de varios centros educativos da zona.
  • CFR de Ferrol, para docentes do CEIP Almirante Juan de Lángara y Huarte, do CEIP Cruceiro de Canido e doutros centros da área, envolvidos nun proxecto Erasmus+ do CFR.
  • CEE de Pontevedra: Actividade ao grupo de traballo do centro sobre eTwinning en Educación Especial e outros varios. A cargo do CFR.


15 março 2019

Escolas galegas con Selo de centro eTwinning - 2019


Vén de publicarse a lista de escolas europeas acreditadas co selo de centro eTwinning no 2019 na segunda edición desta iniciativa. Nesta ocasión 1004 escolas europeas obtiveron a distinción, entre elas, tres galegas:

  • CEIP Plurilingüe Vista Alegre, de Burela.
  • Colexio Losada, de Vigo.
  • IES de Beade, de Vigo.

O selo de centro eTwinning recoñece o traballo realizado con eTwinning no ámbito do centro educativo por equipos docentes e persoal de dirección. Parabéns aos premiados!


Con estas novas incorporacións, en total son 9 os centros galegos con eTwinning School Label:
  • CEIP Manuel Vidal Portela, Pontevedra
  • Colegio Internacional SEK-Atlántico, Poio
  • IES Francisco Daviña Rey, Monforte de Lemos
  • IES David Buján, Cambre
  • IES San Clemente, Santiago de Compostela
  • IES de Poio, Poio
  • CEIP Plurilingüe Vista Alegre, Burela.
  • Colexio Losada, Vigo.
  • IES de Beade, Vigo.

Tan só teñen o selo o 1,7% dos centros educativos europeos rexistrados en eTwinning.



07 março 2019

Formación no CEE de Pontevedra

Unha representación da embaixada eTwinning de Galicia tivo a honra de acudir a unha actividade de formación no CEE de Pontevedra o mércores 27 de febreiro.
A tal actividade, na embaixada decidimos que fora Aarón, xa que aínda que non era de zona, solicitaron axuda para facer proxectos nos que estivera presente a educación especial, e co perfil de mestre de Audición e Linguaxe as compañeiras permitiron a miña participación.
A demanda previa era de un grupo de traballo que quería introducirse na plataforma. Houbo xente dada de alta pero outra que o fixo na pausa da actividade.

A orde dos puntos tratados foi o seguinte:

En primeiro lugar, cunha enquisa Plickers partimos das experiencias previas do profesorado presente e presentamos a aplicación.

Continuamos por mostrar os portais eTwinning, eTwinning Live, blog da embaixada e Twinspace. Con posibilidades de búsqueda de socios/as posibeis e exemplos de proxectos. Tamén falamos dos Selos de Calidade e as horas de formación.

Por outra banda, creara unha conexión Adobe Connect para mostrar como funcionaba, pero ante a imposibilidade de que a xente se anotara previamente e a xente que se anotou non entrou, só viron como podería ser unha videoconferencia.

 
Para rematar, para interese de formación do profesorado, descubriron o portfolio dixital, a roda pedagóxica e a plataforma de formación de INTEF e a súa oferta.




Tivo unha boa acollida as actividades, empezando por case vinte persoas, e bastante participativa.