"From the Classroom to Lifelong Success:Nurturing Essential Competences" eTwinning Onsite Course

Durante os días 9, 10 e 11 de novembro de 2023, celebrouse en Sevilla ,o eTwinning Onsite Course "From the Classroom to Lifelong Success:Nurturing Essential Competences" ,con representación da Embaixada Galega.

Este taller de desenvolvemento profesional estaba dirixido a profesores de educación infantil e primaria. O enfoque destes talleres tivo por obxectivo o reforzar a comprensión dos participantes sobre o desenvolvemento de diversas competencias, entre as que destacan as dixitais (DigiComp), empresariais (EntreComp), de aprendizaxe permanente (LifeComp) e de sustentabilidade (GreenComp). Todo iso en relación coa formalización e creación de proxectos a través da plataforma eTwinning.

O grupo  da delegación española estivo composto por cinco mestras embaixadoras eTwinning, de distintos puntos da nosa xeografía: Xema Sánchez (Valencia), Miriam Rodríguez (Málaga), Mari Luz Castelán (Barcelona), Lucía  Villar (Ceuta), Mela Rodríguez (Galicia), Juan Carlos Garrido e Miriam Olga Cecilia (Servizo Nacional de Apoio eTwinning, España).

Enlace ao artigo publicado na web do SNA español.Ceremonia de Entrega de Premios Europeos eTwinning 2023. (Categorías Infantil y Primaria)

Proxecto eTwinning galego consegue un Premio Nacional eTwinning en Grecia

 

O proxecto eTwinning EnigMath, no que participou a profesora e embaixadora eTwinning Esther Pérez (IES de Beade, Vigo), ven de recibir o primeiro Premio Nacional eTwinning, na categoría de 16-19 anos, en Grecia, país do outro centro participante no proxecto, o  Model Upper Secondary School of Agioi Anargyroi , de Atenas. 

Logo do proxecto

O obxectivo do proxecto era principalmente poñer en práctica as habilidades matemáticas, lóxicas e de pensamento computacional, propoñendo e resolvendo acertixos matemáticas. Nunha primeira fase, os alumnos, organizados en pequenos grupos, propoñían retos aos alumnos do centro socio, e logo avaliaban as súas respostas segundo unha rúbrica acordada por eles mesmos. Na segunda fase, fixéronse grupos internacionais, tras cubrir unha enquisa de afinidades, e propuñan retos a outro grupo.

Como produto final, elaborouse unha presentación que recopilaba, en inglés, galego e grego, todos os retos propostos.

Houbo premios, enviados dende un centro ao outro, para os gañadores das distintas fases.

O proxecto expúsose na feria de fin de curso no IES de Beade, onde alumnos participantes explicaron ao resto da comunidade educativa como funcionou, e lles propuñan algún dos retos que seleccionaran para o proxecto.

Horizontes eTwinning para EEOOII

O pasado 25 de outubro Carmen María Fernández Rodríguez da Embaixada galega eTwinning participou no webinar “Horizontes eTwinning para EEOOII” no grupo do Este evento estivo organizado polo Servicio Nacional eTwinnig e contou con Griselda Paltor coma organizadora. A nosa Embaixadora centrouse nos beneficios de eTwinning para os centros, o alumnado e o profesorado.

Forinnova Lite eTwinning

A Facultade de Formación do Profesorado celebra o luns 16 "Forinnova Lite"; unha xornada  romovida desde o centro universitario lugués xunto cos grupos de investigación MESTURA e GEFIL da USC, para mellorar e ampliar competencias a través do coñecemento dos proxectos socioeducativos Twinning baseados en metodoloxías activas, inclusivas e colaborativas.

A Embaixada galega eTwinning tivo un papel destacado no evento con varios membros que asistiron e presentaron as súas experiencias na Xornada.

Asimesmo houbo un panel de expertos e diversas presentacións de boas prácticas docentes con profesorado español e portugués de diferentes niveis educativos, así como un obradoiro para o deseño de proxectos colaborativos internacionais eTwinning.

Link na prensa:

Faro de Vigo

Evento eTwinning "Advancing learning and innovation with future-proof skills" en Bratislava

 

Os días 28, 29 e 30 de setembro de 2023 tivo lugar en Bratislava, Eslovaquia, unha formación para profesorado de secundaria, á que asistiron cinco embaixadores eTwinning españois. Entre elas, a embaixadora galega Esther Pérez, do IES de Beade (Vigo). 

A formación, centrada na innovación na aula, contou con varios obradoiros paralelos, con temáticas moi variadas, dende o emprego de ferramentas de Intelixencia Artificial na aula, ata a importancia da educación emocional e o traballo coas competencias clave, pensadas como ferramentas para que o alumnado mellore as súas habilidades cara a inserción laboral e a vida como cidadá activo dentro da Unión Europea. Todo o cal, por suposto, encaixa perfectamente dentro da filosofía eTwinning.

Traballando no obradoiro "Robo-code"

Ademáis, o evento acolleu a entrega dos Premios Europeos da edición de 2021 entre as que figuraban María Mercedes Casuso Quesada (IES Jándula (Andújar) de Andalucía)  e Matilde Morales Pascual (IES Al Ándalus (Almería) de Andalucía), gañadoras do Premio Europeo eTwinning  na categoría de 12 a 15 años polo seu proxecto Myth’arts: myths in art and literature

A delegación española no encontro

Como é habitual neste tipo de eventos, houbo tamén tempo para a busca de socios para futuros proxectos, as visitais culturais para coñecer a cidade que nos acollía, 

Montaxe da "caza do tesoro" polas rúas de Bratislava, organizado pola SNA de Eslovakia

Zero Waste! Un proxecto para a sostibilidade

Durante o curso 2022/23 o IES POETA DÍAZ CASTRO traballou con Turquía e Eslovenia nun proxecto sobre o desenvolvemento sostible que contribuíu a consolidar o Espazo de observación da natureza creado no recinto.

O noso obxectivo foi protexer as fontes enerxéticas naturais implicando ao alumnado na apropiación da súa contorna e da súa propia aprendizaxe, e concretouse nos seguintes, máis específicos:

• Evitar o despilfarro de enerxía mediante o aforro enerxético.
• Descubrir como reducir os residous na vida cotiá.
• Fomentar a reciclaxe clasificando o lixo.
• Preparar algúns actos para chamar a atención e informar na contorna sobre os problemas medioambientais.
• Construír unha identidade europea a través da interacción nun proxecto educativo.
• Perseguir a excelencia de todo o alumnado, en función das súas propias características, atendendo  á súa diversidade.

O alumnado de 1º, 2º de ESO e FP Básica traballaron ao unísono para instalar unha composteira e construír tres bancais de cultivo, aprendendo, entre tanto, sobre a necesidade de reducir, reutilizar e por en valor o consumo de proximidade.

As construcións foron en paralelo nos 6 centros participantes... de todo o proceso dá conta o TwinSpace do proxecto.

No desenvolvemento do traballo, o centro recibíu dúas novas importantes: A concesión da distinción de eTwinning School e do European Quality Label polo proxecto do ano pasado, Cadea de hoteis de insectos.

Algunhas imaxes do proceso son as que seguen:

A BOOK TRIP THROUGH EUROPE/UNHA VIAXE POR EUROPA A TRAVÉS DOS LIBROS (EOI A Coruña)

No curso 2022-23 participamos no Plan Proxecta cun proxecto sobre o libro en Europa co obxectivo de concienciar ao alumnado sobre a diversidade da escritura europea no pasado e na actualidade. Traballamos un total de catro países e os seguintes centros:

• Bursa Erkek Lisesi (Turquía)
• Escola Profissional Beira Aguieira (Portugal)
• Campus “Leonardo da Vinci” Umbertide, Italia)
• Liceo Galileo Galilei (Crema)
• EOI A Coruña (A Coruña, sección central e sección de Cee)
• EOI Sierra Norte (Sevilla)
• IES Palomeras-Vallecas (Madrid)

OBXECTIVOS:

1. Promover a cidadanía da UE: os estudantes obterán a esencia e sentiranse parte da cultura europea.
2. Mellorar as habilidades dixitais: os estudantes mellorarán a súa capacidade para usar ferramentas e plataformas en liña.
3. Descubrir e respectar literaturas e culturas menos coñecidas: o alumnado tomará conciencia da riqueza cultural de Europa.
4. Promover a alfabetización: os estudantes practicarán a lectura e a escritura investigando os autores escollidos.
5. Traballar en colaboración en equipos transnacionais: os estudantes verán os beneficios de traballar con compañeiros doutros países.

O alumnado elixiu os libros e escritores máis representativos dos seus países, aquelas obras que reflicten costumes, tradicións e o seu modo de vida e que non poden faltar en Europa. Tras unha votación, decidimos traballar sobre

• Rosalía
• Benito Pérez Galdós
• Ilber Ortayli
• Padre António Vieira
• Federico García Lorca
• Alessandro Manzoni
• Luigi Pirandello

A través do proxecto, o alumnado realizou un traballo de investigación para emprender unha viaxe colaborativa na que compartiu impresións e descubriu a riqueza e peculiaridades das prácticas de escritura no marco europeo.

O producto final foi un xogo en liña Kahoot que creamos colaborativamente. Podedes xogar aquí!!

▬ The Way Game Proxecta+ EOI Ourense

 

Presentamos un dos proxectos eTwinning desenvolvidos dentro do Plan Proxecta na modalidade de Patrimonio cultural europeo en colaboración co programa eTwinning na convocatoria 2022/23.

O Plan Proxecta é unha iniciativa da Consellería de Educación, Universidade e Formación Profesional, en colaboración con diferentes organismos, dirixida a fomentar a innovación educativa nos centros a través de programas educativos que desenvolvan as competencias clave como eixe do currículo e os elementos transversais.

Trátase do proxecto The Way Game (ir ao TwinSpace) realizado na EOI de Ourense en colaboración co Liceo Científico G. Banzi Bazoli de Lecce (Italia). As linguas do proxecto foron o inglés e o italiano. O produto final do proxecto foi un xogo online con preguntas sobre un dos roteiros do Camiño de Santiago (acceder ao xogo online)

O proxecto axudou ao alumnado dos centros participantes a coñecer o legado histórico e cultural do Camiño de Santiago a través dun dos seus roteiros (O Camiño Primitivo) declarados todos eles Patrimonio da Humanidade. Os estudantes elaboraron materiais colaborativos e crearon un xogo online con preguntas sobre as distintas etapas do Camiño Primitivo.

Na parte inicial do proxecto o alumnado tivo que escoller o roteiro co que traballar. A escolla fíxose entre duas propostas: O Camiño Inglés e o Camiño Primitivo (ver no noso TwinSpace)

Unha vez escollido o roteiro, o alumnado organizouse en grupos de traballo e cada grupo traballou cunha etapa concreta do roteiro escollido. Para a etapa asignada, elaboraron e escolleron as preguntas que formarían parte do xogo final.

 A modo de resumo deixamos esta presentación Genially: 

Evento eTwinning de Difusión de Proxectos Plan Proxecta + 2022/23

 

O día 7 de xuño de 2023 de 16.00 a 17.00 horas tivo lugar  un evento eTwinning no que se difundiron os proxectos galegos desenvolvidos dentro do Plan Proxecta+ na  modalidade de Patrimonio cultural europeo en colaboración co programa eTwinning, na convocatoria 2022/23.

O Plan Proxecta é unha iniciativa da Consellería de Educación, Universidade e Formación Profesional, en colaboración con diferentes organismos, dirixida a fomentar a innovación educativa nos centros a través de programas educativos que desenvolvan as competencias clave como eixe do currículo e os elementos transversais.

Esta é a ligazón ao vídeo do evento

Parabéns aos centros galegos que participaron nesta convocatoria:

EOI de Ourense

CEIP Plurilingüe de Tarrío

IES de Fene

EOI da Coruña

Encontro eTwinning en Túnez, maio de 2023

 

Do 5 ao 7 de maio houbo un encontro de embaixadores e etwinners, organizado pola SNA de Túnez, para favorecer a formación de contactos e a creación de proxectos na nova plataforma.

Ao encontro asistiu unha das embaixadoras galegas da Rede de Embaixadores eTwinning de España.

No seguinte Genial.ly déixanos un resumo do encontro.

ABP con eTwinning - CFR Ourense

 

Dentro da formación permanente do profesorado e a través do CAFI e dos distintos CFR vinéronse celebrando ursos de formación presenciais chamados Aprendizaxe baseada en proxectos a través de eTwinning.

O curso no CFR de OURENSE, tivo lugar os días 1, 8, 15 de febreiro e 1 de marzo. 

As 12 horas distribuíronse en xornadas de 3 horas cos seguintes contidos:

• Xornada I: Aprendizaxe Baseada en Proxectos
• Xornada II: eTwinning dentro da plataforma ESEP
  
• Xornada III: Proxectos eTwinning e criterios de calidade
  
• Xornada IV: Boas prácticas en eTwinning (exemplos de proxectos con selo de calidade)

As tres primeiras sesións foron impartidas pola embaixadora eTwinning Patricia Conde e permitiron aos asistentes darse de alta na plataforma ESEP e coñecer a teoría da Aprendizaxe Baseada en Proxectos e a súa aplicación na aula mediante proxectos eTwinning.

 

A última sesión quedou en mans de tres relatoras con sendos proxectos eTwinning acreditados con Selo de Calidade no curso 2021-22.

Os relatorios de boas prácticas correron a cargo de:

•  Laura Conde Arcos, profesora de Secundaria no Colexio Plurilingüe San José (Josefinas) de Ourense, que relatou a súa experiencia no proxecto B.B.C Building Bridges Creatively. (Accede aquí ao TwinSpace do proxecto)
  

•  Estefanía García Piñeiro, profesora de Secundaria no CPI de Padrenda-Crespos, que falou do proxecto no que participou titulado  Roots of Europe. (Accede aquí ao TwinSpace do proxecto)

• Ánxela Mª Domínguez Martínez, mestra de Primaria no CEIP Porto Cabeiro de Redondela, que nos contou a súa experiencia dentro do plan Proxecta + (Patrimonio cultural europeo en colaboración no programa eTwinning) na que participou co proxecto #SUMATEALAPETANCA (Accede aquí ao TwinSpace do proxecto)

NOVO GRUPO AXUDA SNA: Primeros Pasos en la Nueva Plataforma

 Boas Novas!

O SNA español ven de crear un novo grupo na platforma para axudar a novos ou non tan novos etwinners na nova plataforma.

Podedes unirvos no seguinte enlace

https://school-education.ec.europa.eu/es/group/primeros-pasos-en-la-nueva-plataforma

Un total de 14 páxinas adicadas a posibles dúbidas sobre a Nova Plataforma.