A Embaixada eTwinning Galicia no XII Congreso Estatal de EOI

Durante os días 27-9 de outubro celebrouse na Cidade da Cultura en Santiago de Compostela o XII Congreso Estatal de EOI O Camiño das Linguas, unha oportunidade única para coñecer o traballo que se leva a cabo nestes centros e desfrutar o espíritu colaborativo e emprendedor da comunidade de profesores de EOI.

Entre os numerosos talleres, conferencias  plenarias e ponencias, queremos resaltar a da nosa Embaixadora Carmen María Fernández Rodríguez co título "Comunidad escolar e eTwinning". Centrouse no proxecto "Euroheroes of our time" levado a cabo no seu centro no curso 2021-22.

Compartimos imaxe da súa ponencia e o enlace á presentación CANVA.

Pílulas eTwinning no Proxecto SBLENDID

O día 24 de setembro celebrouse no auditorio Xosé Neira Vilas da Cidade da Cultura (Santiago de Compostela) a xornada "O proxecto SBLENDID. Un percorrido conxunto das Escolas Oficiais de Idiomas Galegas". Supuña o peche do Proxecto Erasmus SBLENDID que levou a cabo o CAFI e no que participaron 10 EEOOII de toda Galicia.

Neste evento impartíronse mini-pílula sobre os produtos creados nos proxectos. A nosa embaixadora Carmen María Fernández Rodríguez aportou material creado durante o proxecto "Euroheroes" na EOI da Coruña no curso 2021-22.

Os asistentes amosaron moito interese polos proxectos eTwinning do centro e compartiron impresións sobre este tipo de iniciativas.

ABP con eTwinning

A formación permanente do profesorado, a través do CAFI e os CFR, deu este ano un novo pulo a eTwinning, creando un curso presencial chamado ABP con eTwinning.

Este curso, de 12 horas, está distribuído en tres bloques:

• Aprendizaxe Baseado en Proxectos
• eTwinning como escenario para traballar por proxectos (de aula, de centro)
• Boas prácticas en eTwinning.

A Embaixada eTwinning é a encargada de levar a cabo as dúas primeiras sesións, deixando a terceira en mans de eTwinners galegos de diferentes etapas que teñen proxectos con Selos de Calidade. 

Os cursos e a súa descrición serán como seguen:

CFR LUGO: A celebrar os días 19, 26 de outubro e 2 de novembro. As relatoras, Susana Vázquez (embaixadora eTwinning) e Yolanda Barallobre, para as dúas primeiras sesións, a terceira e cuarta sesións contarán con Eva Fernández, Susana Sabarís, Carlos Castro, Susana Simó, Marcos Arias, Pilar Pérez e Ana Fernández.

CFR FERROL: A celebrar os días 14, 21 e 28 de novembro. As relatoras, Susana Vázquez (embaixadora eTwinning) e Yolanda Barallobre, para as dúas primeiras sesións, a terceira e cuarta sesións contarán con Eva Fernández, Susana Sabarís, Carlos Castro, Susana Simó, Marcos Arias, Pilar Pérez e Ana Fernández.

CFR A CORUÑA: A celebrar os días 12, 19 e 26 de xaneiro. As relatoras, Susana Vázquez (embaixadora eTwinning) e Yolanda Barallobre, para as dúas primeiras sesións, a terceira e cuarta sesións contarán con Eva Fernández, Susana Sabarís, Carlos Castro, Susana Simó, Marcos Arias, Pilar Pérez e Ana Fernández.

CFR OURENSE: Aínda sen data pechada, contará coa embaixadora Patricia Conde.

CAFI: A celebrar os días 1,8 e 15 de febrero, contará coa embaixadora Mela Rodríguez .Cada sesión será compartida con exemplos de boas prácticas a cargo de Pilar Pérez e Ana Fernández, Marcos Arias. 

Reunión da Embaixada eTwinning na Consellería de Educación

O pasado 26 de outubro, o equipo que compón a Embaixada eTwinning en Galicia foi recibido na Consellería de Educación polas asesoras Luz Ares Fandiño e Patricia Ares Yáñez para, como vén sendo habitual, organizar as tarefas do curso actual.

Na xuntanza, demos a benvida oficial ás novas embaixadoras, Esther Pérez e Carmen M. Fernández. Houbo un momento para recordar e agradecer o labor ao fronte da Embaixada de Marcos Vence, Carmen Fernández e Aarón Bernárdez.

A xuntanza percorreu a nova plataforma eTwinning, aloxada no novo espazo europeo, cos seus logros e, aínda, as súas incertidumes. Segue avanzando o acceso e a migración de contidos.

Tamén se acordaron as participacións na formación que se nos atribúe e que, neste momento do curso son as que seguen:

Plan Proxecta: Educación Patrimonial a través de eTwinning. (desde o primeiro trimestre, Plan Proxecta, aula CAFI)

Iníciate na ESEP e eTwinning (segundo trimestre, a través de Platega)

Perfeccionamento en eTwinning (terceiro trimestre, a través de Platega)

Aprendizaxe baseada en proxectos a través de eTwinning, con sesións en Lugo, Ferrol, A Coruña, Ourense e Santiago. (xa se está a desenvolver durante o primeiro e segundo trimestres, CFR, presenciais)

Por suposto, serán atendidas aqueloutras nas que nos convoquen para PFPP ou cursos diversos.

Igualmente, estaremos presentes nas Xornadas de novembro Internacionaliza a túa escola, que se celebrarán de xeito presencial en Santiago, como cada ano.

Un momento de encontro que nos deixou un sorriso que compartimos con todos vós.

IX Encontro da rede española de embaixadores eTwinning en Madrid

 O 14 e 15 de outubro tivo lugar en Madrid o IX Encontro de Embaixadores eTwinning de España. Como representante galega, asisitiu a embaixadora Esther Pérez. 

Tras os anos de pandemia, había moitas ganas de atoparse, intercambiar experiencias e, por suposto, falar da problemática da nova plataforma eTwinning.

Coma sempre, ademais das charlas dende o Servicio Nacional, que versaron sobre a nova plataforma e a integración do Plan Dixital dos centros e a súa relación con eTwinning, houbo ponencias onde algúns compañeiros falaron das súas experiencias e proxectos. Por exemplo, as pequenas asociacións estratéxicas do novo programa Erasmus, a elaboración dun curso certificado e avalado pola SNA, dentro da plataforma eTwinning, ou a mellor maneira de prantexar o aprendizaxe mixto ou "blended" nas nosas aulas. Dúas embaixadoras invitadas, de Portugal e Polonia, faláronnos de como funciona a rede de embaixadores nos seus países.

Tamén se fixeron obradoiros en pequenos grupos para reflexionar sobre a nosa función de embaixadores, centrada en tres exemplos diferentes: a estructura dunha boa formación cara os nosos compañeiros, a aplicación da aprendizaxe-servicio en eTwinning e a relación interna dos membros da comunidade embaixadora dun país.

A continuación, vos deixamos unha pequena mostra fotográfica do evento.

A asistente galega ao encontro, Esther Pérez

Compañeiros embaixadores das distintas Comunidades Autónomas

"A casa dos embaixadores", co que esperamos dela escrito nos posits

Foto de familia do IX Encontro de Embaixadores eTwinning

▬ European Medieval Towns

 

Presentamos un dos proxectos eTwinning desenvolvidos dentro do Plan Proxecta na modalidade de Patrimonio cultural europeo en colaboración no programa eTwinning.

O Plan Proxecta é unha iniciativa da Consellería de Educación, Universidade e Formación Profesional, en colaboración con diferentes organismos, dirixida a fomentar a innovación educativa nos centros a través de programas educativos que desenvolvan as competencias clave como eixe do currículo e os elementos transversais.

Trátase do proxecto European Medieval Towns realizado na EOI de Ourense en colaboración coa Escola de Segunda Oportunidade de Kalamata (Grecia), o Liceo Científico G. Banzi Bazoli de Lecce (Italia) ea Escola Profesional Beira-Aguieira de Coimbra (Portugal) .

O proxecto ven de ser recoñecido co Selo Nacional de Calidade.

"O proxecto axudou aos alumnos a coñecer o propio legado medieval así como o legado medieval en outros países. Elaboraron materiais colaborativos e debatiron nos foros sobre a maneira de preservar o legado histórico nos seus países.

Na parte inicial do proxecto o alumnado tivo que recoller información sobre o legado medieval nas súas cidades, facendo fotografías e elaborando descricións que subiron a un muro colaborativo en Padlet.

Na tarefa final, os alumnos intercambiaron postais cos socios nas que amosaban algúns dos elementos mais representativos do legado medieval nas súas cidades"

Todos os productos xerados polos alumnos pódense ver no Twinspace do Proxecto

 A modo de resumo deixamos esta presentación Genially: 

▬ #SUMATEALAPETANCA

Presentamos un dos proxectos eTwinning desenvolvidos dentro do Plan Proxecta na modalidade de Patrimonio cultural europeo en colaboración no programa eTwinning.

O Plan Proxecta é unha iniciativa da Consellería de Educación, Universidade e Formación Profesional, en colaboración con diferentes organismos, dirixida a fomentar a innovación educativa nos centros a través de programas educativos que desenvolvan as competencias clave como eixe do currículo e os elementos transversais.

Trátase do proxecto #SUMATEALAPETANCA realizado entre o Ceip Plurilingüe Porto Cabeiro de Redondela (España) e o College Canterane de Castedenau de Médoc (Francia).

A coordinadora do proxecto cóntanos o seguinte: 

"Tentouse buscar un socio francés dun entorno que xa tivese tradición de xogar á petanca ao igual que o entorno do noso alumnado para darlle continuidade a idea de que en diferentes países se desenvolve un mesmo xogo.

Na consecución deste proxecto participaron 3 mestras e un total de 24 alumnos/as de 9/10 anos e 18 alumnos/as de 12/13 anos. Centrouse no xogo da Petanca tratándoo  nun traballo interdisciplinar entre as  materias de Educación Física, Lingua Castelá, Lingua Galega, Arts (Plástica), Matemáticas, Ciencias Naturais, Ciencias Sociais e sesións de Informática, buscando o desenvolvemento das competencias clave, partindo da investigación sobre o patrimonio lúdico, transmitido polos maiores que rodean aos alumnos/as. Trátase de chegar a erradicar que é un xogo de maiores.

O alumnado foi o protagonista do deseño, da elaboración de actividades e do produto final. Traballou de xeito colaborativo cos seus compañeiros socios.

Deixamos neste genially en que consistiu o proxecto.

Este é o Twinspace do proxecto.

▬ Un salto en Roma

Un salto en Roma  foi un proxecto  eTwinning desenvolvido con alumnado entre 14 e 16 anos. polo IES de Poio, o  Agrupamento de  Escolas  Sá de Miranda de Braga e o  Liceo  G.  Peano de Roma,

O proxecto buscou  traballar competencias clave, especialmente a lingüística, dixital e social,  ademais de desenvolver  o  curriculum de Latín no centro español e de Lingua española nos centros portugués e italiano. Para iso creáronse  equipos internacionais que se repartiron as distintas seccións dunha revista dixital

O primeiro número da revista tratou temas xerais e o segundo número da revista abordou o tema do ano en  eTwinning: os centros educativos e a nova  Bauhaus europea.

Os obxectivos do poxecto consistiron en mellorar competencias clave, fundamentalmente a competencia dixital e lingüística e competencias sociais e cívicas., abordar o  curriculum das nosas materias dunha forma innovadora, fomentar a autonomía do alumnado na súa aprendizaxe e favorecer a comunicación intercultural. 

Tras unha fase de presentación de alumnado, dos seus centros e localidades e de elección de  logo,

organizados en grupos internacionais prepararon o número 1 da revista manexando a bibliografía dispoñible no  Twinspace. Cada equipo tiña un foro onde se repartiron distintas funcións na revista e ían chegando acordos para os contidos.

Para o número 2 o  Twinspace tiña bibliografía sobre a nova  Bauhaus europea e sobre a educación na Antiga Roma para integrar  o tema  curricularmente en Poio.

Esta e a ligazón ao Twinspace. 

eTwinning na Facultade de Ciencias da Educación, Santiago

 

O pasado venres día 6 de abril, a Facultade de Ciencias da Educación, da USC, daba cabida aos proxectos eTwinning nunha xornada organizada por Carol Gillanders, Raúl Eirín e Isabel Dans e á que daba apertura Carmen Morante, Decana da Facultade. Durante a mañá, o programa europeo foi presentado aos futuros docentes, achegando información desde moi diversas perspectivas:

• A Administración, a través de Patricia Ares, chegada desde a Dirección Xeral de Educación, Formación Profesional e Innovación Educativa.

•    A Facultade de Ciencias da Educación, a través de representantes do profesorado e alumnado participantes nos proxectos eTwinning desenvolvidos, por vez primeira, na USC con alumnos e alumnas universitarios.
• Profesores de EP, con ampla traxectoria en proxectos europeos e colaboradores coa Facultade.
• A Embaixada eTwinning en Galicia, con Susana Vázquez, que presentou a filosofía do programa exemplificado no proxecto actual do seu centro: Cadea de hoteis de insectos.

Podes ver aquí o programa.

Na xornada, destinada a público en xeral, pero especialmente para alumnos do Grado en Formación do Profesorado de EI e EP, reuniu a preto dun centenar de persoas para ser testemuña do que se está a desenvolver na Facultade e para animar á participación nos TFG e TFM, facendo parte das experiencias presentadas na convocatoria dos Premios ITE 2022.

eTwinning é un programa innovador para implementar nos centros educativos galegos... que mellor que coñecelo desde a propia formación inicial do profesorado?

Parabéns pola iniciativa!

▬ LusoMicroFonia

 

Proxecto eTwinning desenvolvido no ano escolar 2021/2022 por profesorado e alumnado do IES San Clemente, Santiago de Compostela, do AE Carlos Amarante, Braga, Portugal e do Centro Paula Souza, São Paulo, Brasil.

 

No centro galego participou o alumnado dos ciclos PluriFP SMR e ASIR coa coordinación de Marcos Arias, Beth Oliveira e Marcos Vence, coa colaboración de José Freire e tendo como socia portuguesa a profesora Adelina Moura e socio brasileiro Álvaro Filho.

O alumnado participante estudaba cursos profesionais de Informática. Traballaron temas relacionados cos módulos Aplicações Ofimáticas, Aplicações Web e lingua portuguesa (PLEP). Obxectivo principal: crear un canal de podcast lusófono para o seu uso continuado por parte de todas as escolas interesadas e dotalo de contido inicial, alén de adestrar a expresión oral en portugués.

Máis información:

• TwinSpace do proxecto
  
• Canal LusoMicroFonia em Spotify
• Canal LusoMicroFonia em iVoox
• Selos de calidade
  

 

Evento eTwinning de difusión de proxectos galegos do Plan Proxecta

O día 25 de abril de 2022 de 16.30 a 18 horas tivo lugar  un evento eTwinning no que se difundiron once proxectos galegos que estanse a desenvolver dentro do Plan Proxecta na  modalidade de Patrimonio cultural europeo en colaboración no programa eTwinning.

O Plan Proxecta é unha iniciativa da Consellería de Educación, Universidade e Formación Profesional, en colaboración con diferentes organismos, dirixida a fomentar a innovación educativa nos centros a través de programas educativos que desenvolvan as competencias clave como eixe do currículo e os elementos transversais.

Esta é a ligazón ao evento

Parabéns aos centros galegos que participan este ano:

CEIP JUANA DE VEGA

CEIP Plurilingüe de Porto Cabeiro

CEP Plurilingüe de Carreira

CPI Castro Baxoi

EOI da Coruña

EOI Ourense

IES Beade

IES Plurilingüe Antón Losada Diéguez

IES de Fene

IES Poeta Díaz Castro

IES Xoán Montes

▬ Euroheroes of our time

 Presentamos un dos proxectos eTwinning desenvolvidos dentro do Plan Proxecta na nova modalidade de Patrimonio cultural europeo en colaboración no programa eTwinning.

O Plan Proxecta é unha iniciativa da Consellería de Educación, Universidade e Formación Profesional, en colaboración con diferentes organismos, dirixida a fomentar a innovación educativa nos centros a través de programas educativos que desenvolvan as competencias clave como eixe do currículo e os elementos transversais.

Trátase do proxecto Euroheroes of our time, da EOI de A Coruña

Este é o Twinspace do proxecto.

A coordinadora, Carmen María Fernández, preséntanos o proxecto:

“Euroheroes of our time” é un proxecto sobre a preservación do noso patrimonio que implica actividades de colaboración e produción de material sobre diversos aspectos dos países participantes. O obxectivo principal deste proxecto é comprender a importancia da acción humana para resolver problemas comúns europeos e preservar o noso patrimonio e medio ambiente comúns en Europa. O alumnado reflexionará sobre a figura do heroe na cultura e na sociedade e a súa evolución no tempo. Tamén se centrarán en como resolver problemas e, finalmente, pediráselles que asuman o papel de heroes para preservar, difundir e promover a súa cultura local nun marco europeo.

Os obxectivos do proxecto son:

    • Promover o coñecemento e a comprensión doutras culturas europeas (conciencia cultural e competencia de expresión)

    • Sensibilizar sobre o patrimonio cultural europeo común material e inmaterial (competencia de conciencia e expresión cultural).

    • Aumentar a empatía do alumnado en cuestións sociais e políticas (competencia cívica)

    • Reforzar a competencia dixital do alumnado e a alfabetización mediática (competencia dixital).

    • Introducir ao alumnado na terminoloxía e as ferramentas para preservar o patrimonio cultural (competencia cívica).

    • Aprender a utilizar diferentes métodos de recollida de información (competencia científica).

    • Tomar conciencia dos cambios provocados pola actividade humana e a responsabilidade como cidadán individual (competencia en ciencia)

    • Desenvolver hábitos de traballo colaborativo con socios europeos (competencia persoal, social e para aprender a aprender)

    • Participar en redes escolares europeas (competencia emprendedora).

    • Promover e favorecer a internacionalización dos centros educativos (competencia persoal, social e de aprender para aprender)

Plataforma Europea de Educación Escolar e novas datas límite para solicitar Selo de calidade.

 A principios de maio deste ano 2022 lanzarase a nova Plataforma Europea de Educación Escolar.

Esta plataforma ofrecerá as funcións básicas de eTwinning.

Lembra que, para acceder a esta nova plataforma, deberás contar cunha conta EU login.

Neste artigo tes as instrucións para crear a conta EU Login.

Está publicado un artigo no que se responden as preguntas máis frecuentes sobre a nova plataforma e o tempo de convivencia coa plataforma actual.

Para solucionar calquera cuestión, pódese contactar con :asistencia.etwinning@educacion.gob.es

Este cambio de plataforma supón tamén que, no caso de que se queira poder optar a Selo de calidade europeo e participar nos Premios europeos, a data límite para solicitar Selo de calidade nacional é o 9 de maio. Aquí está a información sobre este tema.

Información sobre o próximo acceso a eTwinnng con usuario de EU login

En datas próximas, pero ainda non establecidas, a plataforma eTwinning e a plataforma School Education Gateway fusionaranse na Plataforma Europea de Educación escolar (European School Education Platform).

Poderase acceder á Plataforma Europea de Educación Escolar a través de EU Login, o servizo de autenticación de usuarios da Comisión Europea.

Neste artigo tes a información e instrucións para:

1. Crear unha conta EU login no caso de que non a teñas

2. Para usuarios que xa teñen unha conta EU Login, non hai que crear unha nova, pero si hai que confirmar que o enderezo de correo electrónico de EU Login é o mesmo que o da túa conta de eTwinning ou School Education Gateway.

Lembra que só poderás utilizar UE Login para acceder á Plataforma Europea de Educación Escolar unha vez que estea en marcha. Mentres tanto, podes seguir utilizando a túa conta actual para acceder á plataforma eTwinning

I Conferencia Nacional de Centros eTwinning

 O 24 de febreiro de 2022 celebrouse en Madrid a primeira Conferencia Nacional de Centros eTwinning coa participación de membros dos equipos directivos das escolas galegas que teñen este galardón.

Máis información

▬ Poetas peninsulares: Mestres da mesma língua

A profesora Dolores Díaz Rifón, do CPI de Xanceda (concello de Mesía, Galiza) fálanos do proxecto Poetas peninsulares: Mestres da mesma língua que desenvolveu en colaboración co Agrupamento de Escolas Monte da Lua (Sintra, Portugal).

Este projeto centrou-se na análise dos textos literários da Idade Média, mais especificamente nas composições da poesia trovadoresca galego-portuguesa que, embora tenham sido criadas ao norte ou ao sul do Minho, partilham um tronco linguístico comum.

As alunas e alunos da Galiza e Portugal exploraram um conjunto de atividades, com o intuito de consolidar conhecimentos sobre as primeiras produções literárias peninsulares e valorizar o seu património cultural e literário.

O proxecto recibiu o Selo de Calidade Europeo.

Patrimonio cultural europeo en colaboración a través do programa eTwinning.

 Por segundo ano consecutivo, o CAFI organiza o seguimento de proxectos eTwinning en colaboración coa Embaixada eTwinning en Galicia. 

Esta colaboración ten como finalidade que os centros participantes nesta modalidade do Plan Proxecta consigan desenvolver un proxecto eTwinning de calidade en relación ao patrimonio cultural.

O seguimento faise desde a aula CAFI e, durante este curso, Carmen Fernández e Susana Vázquez, acompañarán a 11 centros de Infantil e Primaria, Secundaria e Escolas Oficiais de Idiomas na creación e desenvolvemento dos seus proxectos eTwinning.

Sen dúbida é unha boa ocasión de formación! Non vos perdades os resultados deste proceso e valorade a posibilidade para o próximo curso!!